অসমবাসীৰ(PM Narendra Modi) বাবে কাইলৈৰ দিনটো হ’ব এক গুৰুত্বপূৰ্ণ দিন৷ কাৰণ কাইলৈ প্ৰধানমন্ত্ৰী নৰেন্দ্ৰ মোদীয়ে অসম ভ্ৰমণ কৰিব৷ অসম ভ্ৰমণৰ সময়ছোৱাত প্ৰধানমন্ত্ৰীয়ে কেইবাটাও প্ৰকল্প অসমবাসীক উপহাৰ দিব৷ প্ৰধানমন্ত্ৰীয়ে কাইলৈ প্ৰায় ১০.৩০ বজাত ডিব্ৰুগড়ৰ মৰাণ বাইপাছৰ জৰুৰীকালীন অৱতৰণ সুবিধা [ই এল এফ]ত অৱতৰণ কৰিব, য’ত তেওঁ যুঁজাৰু বিমান, পৰিবহণ, হেলিকপ্টাৰ আদিৰ আকাশী প্ৰদৰ্শন প্ৰত্যক্ষ কৰিব৷ প্ৰায় ৰ বজাত প্ৰধানমন্ত্ৰীয়ে ব্ৰহ্মপুত্ৰৰ ওপৰেৰে কুমাৰ ভাস্কৰ বৰ্মা সেতু পৰিদৰ্শন কৰিব৷ ইয়াৰ পিছত প্ৰায় ৰ.৩০ বজাত প্ৰধানমন্ত্ৰীয়ে গুৱাহাটীৰ লাচিত ঘাটত প্ত,৪৫০ কোটি টকাৰো অধিক মূল্যৰ বিভিন্ন প্ৰকল্প উদ্বোধন আৰু ফ্লেগ অফ কৰিব৷ মৰাণৰ ইএলএফ হৈছে উত্তৰ-পূব ভাৰতৰ প্ৰথমটো জৰুৰীকালীন অৱতৰণ সুবিধা৷

জৰুৰীকালীন অৱস্থাত সামৰিক আৰু অসামৰিক বিমানৰ অৱতৰণ আৰু উৰণত সহায় কৰিবলৈ ভাৰতীয় বায়ুসেনাৰ সহযোগত ইয়াক বিশেষভাৱে ডিজাইন আৰু নিৰ্মাণ কৰা হৈছে৷ ই জৰুৰীকালীন সঁহাৰিৰ বাবে এক অপৰিহাৰ্য সম্পদ হিচাপে কাম কৰিব, যাৰ ফলত উত্তৰ-পূবত প্ৰাকৃতিক দুৰ্যোগ বা কৌশলগত প্ৰয়োজনীয়তাৰ সময়ত উদ্ধাৰ আৰু সাহায্য অভিযান দ্ৰুতভাৱে সম্পন্ন কৰিব পৰা যাব৷ দ্বৈত ব্যৱহাৰৰ আন্তঃগাঁথনি হিচাপে প্ৰস্তুত কৰা ই এল এফে ৪০ টন পৰ্যন্ত ওজনৰ যুঁজাৰু বিমান আৰু ৭৪ টন পৰ্যন্ত সৰ্বোচ্ছ টেক অৱ ওজনৰ বিমান চম্ভালিব পাৰিব৷ প্ৰধানমন্ত্ৰীয়ে সংযোগ ত্বৰান্বিত কৰা, ডিজিটেল আন্তঃগাঁথনি শক্তিশালী কৰা, উচ্ছ শিক্ষাৰ প্ৰসাৰ আৰু ৰাজহুৱা পৰিবহণ বৃদ্ধিৰ লক্ষ্যৰে কেইবাটাও গুৰুত্বপূৰ্ণ প্ৰকল্প উদ্বোধন কৰিব, যাৰ ফলত উত্তৰ-পূৰ্বাঞ্চলৰ উন্নয়নত এক উল্লেখযোগ্য উত্থান ঘটিব৷ প্ৰায় ৩,০৩০ কোটি টকা ব্যয় সাপেক্ষে নিৰ্মাণ কৰা ব্ৰহ্মপুত্ৰ নদৰ ওপৰৰ কুমাৰ ভাস্কৰ বৰ্মা সেতু উদ্বোধন কৰিব প্ৰধানমন্ত্ৰীয়ে৷ ৬ লেনযুক্ত এক্সট্ৰাড’জড প্ৰিষ্ট্ৰেছড কংক্ৰিট [পিএছচি] দলংখনে গুৱাহাটীক উত্তৰ গুৱাহাটীৰ সৈতে সংযোগ কৰাৰ লগতে উত্তৰ-পূব ভাৰতৰ প্ৰথমখন এক্সট্ৰাড’জড দলং হিচাপে পৰিগণিত হ’ব৷ ইয়াৰ জৰিয়তে গুৱাহাটী-উত্তৰ গুৱাহাটীৰ মাজত যাত্ৰাৰ সময় জ্জ মিনিটলৈ হ্ৰাস পাব৷

অঞ্চলটোৰ উচ্ছ ভূমিকম্প প্ৰৱণতাক বিবেচনা কৰি দলংখনত ঘৰ্ষণ পেণ্ডুলাম বেয়াৰিঙৰ লগতে ভিত্তি পৃথকীকৰণ প্ৰযুক্তি ব্যৱহাৰ কৰা হৈছে৷ স্থায়িত্ব আৰু দীৰ্ঘম্যাদী গাঁথনিগত কাৰ্যক্ষমতা নিশ্চিত কৰিবলৈ উচ্ছ-কাৰ্যক্ষম ষ্টে কেবল ব্যৱহাৰ কৰা হৈছে৷ সঠিক সময়ৰ অৱস্থা নিৰীক্ষণ, আগতীয়াকৈ ক্ষতি ধৰা পেলোৱা আৰু এক্সট্ৰাড’জসম্পন্ন দলংখনৰ উন্নত সুৰক্ষা আৰু সেৱাৰ বাবে এটা দলং স্বাস্থ্য নিৰীক্ষণ ব্যৱস্থা [বিএইচএমএছ]ও অন্তৰ্ভুক্ত কৰা হৈছে৷ প্ৰধানমন্ত্ৰীয়ে অসমৰ কামৰূপ জিলাৰ আমিনগাঁৱত উত্তৰ-পূৰ্বাঞ্চলৰ বাবে ৰাষ্ট্ৰীয় তথ্য কেন্দ্ৰ উদ্বোধন কৰিব৷ মুঠ অনুমোদিত ভাৰ জ্জ্ব.প্ত মেগাৱাট আৰু প্ৰতি ৰেকত গড় ৰেক ১০ কিলোৱাট ক্ষমতাসম্পন্ন এই অত্যাধুনিক ডাটা চেণ্টাৰটোৱে বিভিন্ন চৰকাৰী বিভাগৰ মিছন-ক্ৰিটিকেল এপ্লিকেচনৰ ব্যৱস্থা কৰাৰ লগতে অন্যান্য ৰাষ্ট্ৰীয় ডাটা চেণ্টাৰৰ বাবেও দুৰ্যোগ পুনৰুদ্ধাৰ কেন্দ্ৰ হিচাপে কাম কৰিব৷ ইয়াৰ দ্বাৰা উত্তৰ-পূৰ্বাঞ্চলৰ চৰকাৰসমূহে অত্যাৱশ্যকীয় নাগৰিককেন্দ্ৰিক সেৱাসমূহ ডিজিটেলী সুবিধা প্ৰদান কৰিব পাৰিব৷

ডিজিটেল ইণ্ডিয়াৰ দৃষ্টিভংগীৰ সৈতে সংগতি ৰাখি উত্তৰ-পূৰ্বাঞ্চলৰ বাবে ৰাষ্ট্ৰীয় তথ্য কেন্দ্ৰক অঞ্চলটোৰ আইচিটিৰ মেৰুদণ্ড শক্তিশালী কৰাৰ লগতে সুদৃঢ়, সুৰক্ষিত আৰু সহজলভ্য ডিজিটেল আন্তঃগাঁথনি নিশ্চিত কৰাৰ বাবে এক কৌশলগত পদক্ষেপ হিচাপে বিবেচনা কৰা হৈছে৷ প্ৰধানমন্ত্ৰীয়ে লগতে আই আই এম গুৱাহাটীও উদ্বোধন কৰিব, যিয়ে উত্তৰ-পূৰ্বাঞ্চলৰ উচ্ছ শিক্ষা আৰু ব্যৱস্থাপনা শিক্ষাক এক বৃহৎ উদগনি প্ৰদান কৰিব৷ প্ৰধানমন্ত্ৰীয়ে পিএম-ই-বাছ সেৱা আঁচনিৰ অধীনত গুৱাহাটী [১০০], নাগপুৰ [৫০], ভাবনগৰ [৫০] আৰু চণ্ডীগড় [২৫]ত ২২৫খন বৈদু্যতিক বাছৰো শুভাৰম্ভ কৰিব৷ এই চাৰিখন চহৰত পিএম-ই-বাছ সেৱা আঁচনিৰ অধীনত ই-বাছ চলাচল আৰম্ভ হোৱাৰ লগে লগে ৫০ লাখৰো অধিক নাগৰিকে স্বচ্ছ, সুলভ আৰু নিৰ্ভৰযোগ্য ৰাজহুৱা পৰিবহণ সেৱাৰ সুবিধা লাভৰ জৰিয়তে লাভৱান হোৱাৰ আশা কৰা হৈছে, যাৰ ফলত নগৰীয়া গতিশীলতা উন্নত আৰু জীৱনৰ মান বৃদ্ধিত অৰিহণা যোগাব৷