টীয়ক সমষ্টিৰ ৰাইজে ভাৰতীয় জনতা পাৰ্টী প্ৰাৰ্থীত্ব দাবী

আগন্তক বিধান সভা নিৰ্বাচনৰ দিন চমু চাপি অহাৰ লগে লগে টীয়ক বিধান সভা সমষ্টিত প্ৰাৰ্থীত্ব কেন্দ্ৰীক শীতল যুঁজ আৰম্ভ হৈছে ।বিশেষকৈ মিত্ৰজোঁটৰ ক্ষেত্ৰত সমষ্টিটো এইবাৰ বিজেপি দলটোক অগ্ৰাধিকাৰ দিবলৈ বাৰম্বাৰ দাবী জনাই অহা কথা ইতিমধ্য বাতৰি কাকতত সবিস্তাৰে প্ৰকাশ পাইছে ।কিয়নো বিগত সময়চোৱাত অগপ আমোলত থকা সমষ্টিটো বহুতো উন্নয়নৰ কামৰ বেলিকা স্বজনতোষনৰ লগতে কেতবোৰ অনিয়মৰ কথা পোহৰলৈ অহাত অধিকাংশ ৰাইজে ক্ষোভিত হৈ আছে ।এনে পৰিপ্ৰেক্ষিতত অগপ দলক টীকট দিলে বিজয় হোৱাৰ সম্ভৱনা কঠিন অন্যহাতে  টীয়কত  ১৫ বছৰ কংগ্ৰেছ দলটো শাসনত থাকি কেৱল উন্নয়নৰ নামত দুৰ্নীতি ভ্ৰষ্টাচাৰত লিপ্ত হৈ সমষ্টিটোক বহুতো দিশত পিছ পেলাই যোৱাত সমষ্টিত পুনৰ কংগ্ৰেছৰ দখললৈ অহাটো ৰাইজে বিছৰা নাই ।ইতিমধ্যে ৰাইজৰ দল অথবা অসম জাতীয় পৰিষদ দলৰ বৰ্তমানলৈকে টীয়কত সাংগঠনিক দিশটো মুষ্ঠিমেয় কেইজন মান লোকৰ লগতে দুই এটা জাতীয় সংগঠনৰ মাজতে আৱদ্ধ থকাৰ বিপৰীতে প্ৰায়েই শূণ্য বুলিব পাৰি । সেয়ে টীয়কত মিত্ৰজোঁটৰ প্ৰাৰ্থী হিচাপে বিজেপি দলটোক  প্ৰক্ষেপ কৰাৰ লগতে সৰ্বসন্মত  নেতা হিচাপে যদুনাথ বুঢ়াগোহাঁই  অসীম বৰুৱা,জিতু হাজৰিকা, অমৰ শইকীয়াক স্থানীয় হিচাপে কোনো এজনক প্ৰাৰ্থীত্ব দিবলৈ ৰাইজে উৰ্ধত্তম কৰ্তৃপক্ষক দাবী জনাইছে বুলি জানিব পৰা গৈছে ।সম্প্ৰতি টীয়কত ১৯খন গাঁও পঞ্চায়তত দলীয় কাম কাজ তথা সাংগঠনিক দিশটো অধিক মজবুত কৰি ৰখাত বিজেপি দলটোক এক গতিশীল কৰাত স্থানীয় নেতা কেইজনৰ অৱদান অনস্বীকাৰ্য যদিও একাংশ সমষ্টিটোত কোনো কালে ৰাইজৰ ওচৰত গৈ নোপোৱা ব্যক্তিও টীকট দাবীদাৰ হোৱাত সমালোচিত হ’ব লগা হৈছে ।অলপতে সমষ্টিত বিজেপি দলে কৰা পৰ্যৱেশনৰ লগতে ৰাইজৰ মতামত গ্ৰহণ কৰি শীঘ্ৰে দলৰ স্থানীয় প্ৰাৰ্থীত্ব  টীয়কৰ ৰাইজে আশাৰে বাট চাইছে ।