Breaking

আৰম্ভ হ’ল ফিল’কাপ, ২০২০ : উদ্বোধনী খেলত ডুমডুমা মৰ্নীং ক্লাৱৰ জয়

0 1,247

ডিৰাক সীমান্ত, ২২ নৱেম্বৰঃ তিনিচুকীয়া জিলাৰ ফিল’বাৰী অঞ্চলৰ বহু প্ৰত্যাক্ষিত ফিল’কাপ ২০২০ আজিৰে পৰা ফিল’বাৰী হাইস্কুল খেলপথাৰত আৰম্ভ হৈছে । অসম ফুটবল সন্থাৰ স্বীকৃতি প্ৰাপ্ত ফিল’বাৰী ক্ৰীড়া সন্থাৰ উদ্যোগত আজিৰ পৰা আৰম্ভ হোৱা ২২ সংখ্যক আমন্ত্ৰণমূলক প্ৰাইজমানি ফুটবল প্ৰতিযোগীতাখনি উদ্বোধন কৰে গাভৰুভেটি গাওঁ পঞ্চায়তৰ সভাপতি কিৰণ চাৰিঙ্গীয়া ফুকনে । আজিৰ পৰা অনুষ্ঠিত হোৱা ফিল’কাপ ২০২০ প্ৰতিযোগিতাৰ প্ৰথমখন খেল অনুষ্ঠিত হয় ডুমডুমা মৰ্নীং ক্লাৱ বনাম সূৰ্যোদয় এফ চি চাবুৱাৰ মাজত। ডুমডুমা মৰ্ণিং ক্লাবে সূৰ্যোদয় এফ চি চাবুৱা দলক ২-০ গলত পৰাজয়  কৰে । ডুমডুমা মৰ্ণিং ক্লাবে ১১ মিনিটত এটা পেনালটি কীকৰ সুযোগ লাভ কৰি  অভিজিৎ তাঁতীয়ে আৰু ৫০ মিনিটত লালিত সোনোৱালে একোটাকৈ গ’ল  দি দলক বিজয়ী সাব্যস্ত কৰে ।  ফিল’কাপৰ প্ৰথমখন খেল  পৰিচালনা কৰে ইনোদ চাউৰকে লাইনত সহায় কৰে  প্ৰাণজ্যোতি চুতীয়া আৰু মৃদুল বৰপাত্ৰ গোঁহাই, চতুৰ্থ ৰেফাৰী নৰেণ চাউৰকে । উদ্বোধনী অনুষ্ঠানত উপস্থিত থাকে তিনিচুকীয়া জিলা ক্ৰীড়া সন্থাৰ সম্পাদক জয়ন্ত দহোতীয়া, বদৌচা স্প’ষ্ট ক্লাবৰ সম্পাদক সীমান্ত মৰাণ, ক্ৰীড়া সম্পাদক দুৰ্ণ কান্ত মৰাণ, ফিল’বাৰী কনিষ্ঠ মহাবিদ্যালয়ৰ অধ্যক্ষ তুলসী উপাধ্যায়, সমাজসেৱক ৰাজেন মেধিৰ লগতে কেইবাগৰাকী বিশিষ্ট ব্যক্তি উপস্থিত । ফিল’কাপৰ দ্বিতীয় খন খেল অনুষ্ঠিত হ’ব  দুলিয়াজান ৰজাআলি এফ চি বনাম ফিল’বাৰী এফ চিৰ মাজত ।