আজি উত্তৰাখণ্ডত গোলকীয় বিনিয়োগকাৰী সন্মিলন উদ্বোধন কৰিব প্ৰধানমন্ত্ৰী মোদীয়ে
প্ৰধানমন্ত্ৰী নৰেন্দ্ৰ মোদীয়ে ৮ ডিচেম্বৰত “উত্তৰাখণ্ড গোলকীয় বিনিয়োগকাৰী সন্মিলন ২০২৩” উদ্বোধন কৰিব। ৮ আৰু ৯ ডিচেম্বৰত ডেৰাডুনৰ বন গৱেষণা প্ৰতিষ্ঠানত অনুষ্ঠিত হ’বলগীয়া এই গোলকীয় বিনিয়োগকাৰী সন্মিলনত সমগ্ৰ দেশ আৰু বিশ্বৰ পৰা এক হাজাৰৰো অধিক বিনিয়োগকাৰী আৰু প্ৰতিনিধিয়ে অংশগ্ৰহণ কৰিব। প্ৰধানমন্ত্ৰী নৰেন্দ্ৰ মোদীয়ে ৮ ডিচেম্বৰত গোলকীয় বিনিয়োগকাৰী সন্মিলনৰ উদ্বোধনী অধিৱেশনৰ পিছত দিল্লীলৈ উভতি আহিব। এইবাৰ গোলকীয় বিনিয়োগকাৰী সন্মিলনৰ বিষয়বস্তু হৈছে “সমৃদ্ধিৰ বাবে শান্তি”।
মুখ্যমন্ত্ৰী শ্ৰী পুষ্কৰ সিং ধামীয়ে কয় যে গোলকীয় বিনিয়োগকাৰী সন্মিলনৰ সকলো প্ৰস্তুতি ৰাজ্য চৰকাৰে সম্পূৰ্ণ কৰিছে। উত্তৰাখণ্ডক এক নতুন বিনিয়োগৰ স্থান হিচাপে প্ৰতিষ্ঠা কৰাৰ লক্ষ্যৰে চৰকাৰে এই অনুষ্ঠানটোৰ আয়োজন কৰিছে। ৰাজ্য চৰকাৰে ২.৫ টকাৰ বিনিয়োগৰ লক্ষ্য নিৰ্ধাৰণ কৰিছে । তেওঁ লগতে প্ৰকাশ কৰা মতে সেই নিৰ্ধাৰিত লক্ষ্য সম্পূৰ্ণ হৈছে।
ইয়াৰ উপৰি ঔদ্যোগিক গোটসমূহৰ সৈতে বুজাবুজি চুক্তি স্বাক্ষৰ কৰাৰ কামো চলি আছে বুলি মুখ্যমন্ত্ৰী ধামীয়ে কয়। মুখ্যমন্ত্ৰীয়ে কয় যে আমাৰ চৰকাৰে বিনিয়োগৰ জৰিয়তে ৰাজ্যখনত নিযুক্তি সৃষ্টি আৰু স্থানীয় সামগ্ৰীৰ প্ৰচাৰৰ বাবে নিৰন্তৰ কাম কৰি আছে। দেশৰ মহানগৰ আৰু বিদেশৰ লণ্ডন আৰু ডুবাইত ৰোড শ্ব’ অনুষ্ঠিত কৰা হৈছে। গ্লোবেল ইনভেষ্টৰ্ছ ছামিট আয়োজন কৰাৰ আগতে উত্তৰাখণ্ড চৰকাৰে ৪ টা আন্তঃৰাষ্ট্ৰীয় আৰু ৫ টা ঘৰুৱা ৰোড শ্ব’ৰ আয়োজন কৰিছিল। লণ্ডন, বাৰ্মিংহাম, আবু ধাবি, ডুবাইত চাৰিটা আন্তঃৰাষ্ট্ৰীয় ৰোড শ্ব’ অনুষ্ঠিত হৈছে, আনহাতে ৰাজ্য চৰকাৰে দিল্লী, চেন্নাই, বাংগালুৰু, আহমেদাবাদ আৰু মুম্বাইত ৰোড শ্ব’ অনুষ্ঠিত কৰিছে।