Breaking

সুস্থ হৈ উঠিল কলিয়াবৰৰ মিছামুখত উদ্ধাৰ আঘাতপ্ৰাপ্ত বিষাক্ত মুগা ফেঁটী

0 34

কলিয়াবৰ

চিকিৎসা প্ৰদানৰ পিছত স্থানীয় ৰাইজৰ জিংঘাসাৰ বলি হৈ গুৰুতৰভাৱে আঘাতপ্ৰাপ্ত মুগা ফেঁটীটো সুস্থ হৈ আজি মক্ত হৈ পুণৰ প্ৰকৃতিৰ বুকুলৈ গতি কৰে।যোৱা ২৪ মে’ তাৰিখে কলিয়াবৰৰ মিছামুখৰ অনিল বড়োৰ ভঁৰালৰ তলত উদ্ধাৰ হৈছিল দুটা বিষাক্ত মুগা ফেঁটী সাপ। তাৰে এটা সাপ স্থানীয় ৰাইজৰ ক্ষোভৰ বলি হৈ যাঁঠিৰ খোচত গুৰুতৰভাৱে আঘাতপ্ৰাপ্ত হৈছিল। স্থানীয় প্ৰকৃতিপ্ৰেমী সঞ্জীৱ ডেকাই দুয়োটা সাপ উদ্ধাৰ কৰি সুস্থ মুগা ফেঁটীটো মুক্ত কৰি দিয়াৰ পিচত আঘাতপ্ৰাপ্ত সাপটো শিলঘাট খণ্ড বন বিষয়াৰ কাৰ্য‍ালয়ত চিকিৎসাৰ ব‍্যৱস্থা কৰা হৈছিল। ধাৰাবাহিকভাৱে তিনিদিন স্থানীয় পশু চিকিৎসক ডাঃ সুৰুজ প্ৰতীম কাকতিৰ তত্বাৱধানত চিকিৎসা প্ৰদানৰ অন্তত সম্পূৰ্ণ সুস্থ হৈ উঠে বিষাক্ত সাপটো। ডাঃ সুৰুজ প্ৰতীমক চিকিৎসাৰ সময়ত সহায় কৰে কলিয়াবৰ উচ্চতৰ মাধ‍্যমিক বিদ‍্যালয়ৰ অধ‍্যক্ষ আৰু সাপটো উদ্ধাৰকাৰী সঞ্জীৱ ডেকাই। সম্পূৰ্ণ সুস্থ সাপটো শিলঘাট কামাখ‍্যা সংৰক্ষিত বনাঞ্চলত আজি মুক্ত কৰি দিয়ে সঞ্জীৱ ডেকাই। তিনিওগৰাকী প্ৰকৃতিপ্ৰেমীৰ এই কাৰ্য‍ক প্ৰকৃতিপ্ৰেমীয়ে শলাগ লৈছে।