বাণিজ্যত সফলতাৰে উত্তীৰ্ণ শিৱানীক সম্বৰ্ধনা প্ৰজন্ম উন্মেষৰ ।

জামুগুৰিহাট : সদ্যঘোষিত উচ্চতৰ মাধ্যমিক চুড়ান্ত পৰীক্ষাৰ ফলাফলত জামুগুৰিহাটৰ সংগীয়া মাজৰ চুক গাঁৱৰ মেধাৱী ছাত্ৰী শিৱানী ফুকনে বাণিজ্য বিভাগত ৬ টা বিষয়ত লেটাৰ নম্বৰসহ ৮৯.৮ শতাংশ নম্বৰ লাভ কৰি সফলতাৰে উৰ্ত্তীণ হৈ অঞ্চলটোলৈ গৌৰৱ কঢ়িয়াই আনিবলৈ সক্ষম হৈছে৷ বিশ্বনাথ চাৰিআলিৰ ডেফনি জুনিয়ৰ কলেজত বাণিজ্য বিভাগত অধ্যয়নৰত শিৱানীয়ে লাভ কৰা সফলতাৰ বাবেই অসমৰ অন্যতম সামাজিক সাংস্কৃতিক অনুষ্ঠান প্ৰজন্ম উন্মেষে মেধাৱী ছাত্ৰীগৰাকীৰ শৈক্ষিক জীৱণৰ উত্তৰোত্তৰ কামনা কৰি অভিনন্দন জ্ঞাপন কৰে৷ প্ৰজন্ম উন্মেষৰ মুখ্য কাৰ্যবাহী অৰূপ শইকীয়া, সমন্বয়ক উদ্দীপ্ত কাশ্যপ, কাৰ্যকৰী সদস্য মনোজ বৰা আৰু অঞ্জনজ্যোতি হাজৰিকা মেধাৱী ছাত্ৰীগৰাকীৰ বাসগৃহত উপস্থিত হৈ ফুলাম গামোছা আৰু সম্বৰ্ধনা পত্ৰৰে অভিনন্দন জ্ঞাপন কৰে ৷ মেধাৱী ছাত্ৰীগৰাকীয়ে সদ্যঘোষিত উচ্চতৰ মাধ্যমিক চূড়ান্ত পৰীক্ষাৰ ফলাফলত ইংৰাজীত ৮৪, ঐচ্ছিক ইংৰাজীত ৮৪, একাউনটেন্সিত ৯০, বিজনেজ ষ্টাডিত ৯৩, বেংকিংত ৮২, অৰ্থনীতিত ৯৮ নম্বৰ লাভ কৰে৷ শিৱানী ফুকন সঙ্গীয়া মাজৰ চুক গাঁৱৰ গোলাপ ফুকন আৰু শেৱালী ফুকনৰ একমাত্ৰ কন্যা।