শেহতীয়াকৈ বলীউডৰ তাৰকা প্ৰিয়ংকা চোপ্ৰাই লাই ডিটেক্টৰ টেষ্ট দিছে। য’ত অভিনেত্ৰীগৰাকীৰ স্বামী আৰু ‘আৰ আৰ আৰ’ ছবিখনৰ বিষয়ে বহু কথা প্ৰকাশ পাইছে। প্ৰিয়ংকা চোপ্ৰা সেইসকল বলীউডৰ তাৰকাসকলৰ ভিতৰত এগৰাকী যিয়ে প্ৰতিদিনে কিবা নহয় কিবা কাৰণত শিৰোনাম দখল কৰে। শেহতীয়াকৈ অভিনেত্ৰীগৰাকীয়ে ‘নাতু নাতু’ গীতৰ বাবে অস্কাৰ বিজয়ী ছবি ‘আৰ আৰ আৰ’ সন্দৰ্ভত এনে এক বক্তব্য দিছে। সেই কথা শুনি সকলোৱে আচৰিত হয়। দৰাচলতে শেহতীয়াকৈ প্ৰিয়ংকাই এই কথা প্ৰকাশ কৰিছে যে তেওঁ এতিয়াও আৰ আৰ আৰ ছবিখন চোৱা নাই।
আনহাতে এই মিছা ডিটেক্টৰ টেষ্টত প্ৰিয়ংকাক ব্লকবাষ্টাৰ ছবি ‘আৰ আৰ আৰ’ চাইছে নেকি বুলি সোধা হৈছিল..অভিনেত্ৰীগৰাকীয়ে কৈছিল, “নাই..এতিয়াও সময় পোৱা নাই।” আপোনালোকক কওঁ যে প্ৰিয়ংকা চোপ্ৰাই ‘চিটাডেল’ৰ প্ৰচাৰৰ সময়ত দিয়া এক সাক্ষাৎকাৰত আৰ আৰ আৰক তামিল ছবি বুলি অভিহিত কৰিছিল যদিও ই তেলেগু ছবি। যাৰ বাবে অভিনেত্ৰীগৰাকীক ছ’চিয়েল মিডিয়াত ট্ৰ’লৰ সন্মুখীন হৈছিল। ট্ৰলিং কৰাৰ পিছত নিজৰ বক্তব্য স্পষ্ট কৰি প্ৰিয়ংকাই কৈছিল, ‘মানুহে মোৰ কথাত ভুল বিচাৰিবলৈ আৰম্ভ কৰে..জীৱনত যেতিয়াই ওপৰলৈ যায়, মানুহে আপোনাক তললে পেলাবলৈ কাৰণ বিচাৰিব ফুৰে..কিন্তু মোৰ আছে পৰিয়াল, বন্ধু-বান্ধৱী আৰু অনুৰাগীৰ আৰু মই এইবোৰ কথাত গুৰুত্ব নিদিওঁ..’