দৰঙৰ নামখলাত শিক্ষাৰ সজুলি প্ৰদান অধ্যাপক খনিন্দ্ৰ কলিতাৰ

দৰং

কৰ’নাৰ আতংকময় পৰিবেশত দেশজুৰি চলি থকা তৃতীয় পৰ্যায়ৰ লকডাউনৰ সময়ত ব্যতিক্ৰমী মহানুভৱতা৷ লকডাউনৰ সৰ্বাত্মকৰূপত প্ৰভাৱ পৰিছে অসমৰ প্ৰায়বোৰ অঞ্চলত৷ এই লকডাউন ফলত বহু মানুহৰ খাদ্য সামগ্ৰীৰ নাটনি হৈছে যদিও একাংশ দল-সংগঠন তথা ছাত্ৰ নেতা, সমাজ সচেতক ৰাইজ আগুৱাই আহিছে দৰিদ্ৰক সহায়ৰ উদ্দেশ্যে৷ ইফালে বিদ্যালয়বোৰত বন্ধৰ ফলত ছাত্ৰ-ছাত্ৰীসকল ঘৰতেই অধ্যয়নত ব্যস্ত৷ সেয়ে ছাত্ৰ-ছাত্ৰীৰ বাবে ব্যতিক্ৰমী উদেশ্য আগত ৰাখি উপস্থিত হ’ল দৰঙৰ স্বস্বগাঁও দগিয়াপাৰাত এজন শিক্ষিত লোক৷ এই গাঁওখনতে জন্মলাভ কৰা ঐতিহ্যমণ্ডিত দৰং মহাবিদ্যালয়ৰ অসমীয়া বিভাগৰ মুৰব্বী অধ্যাপক খনিন্দ্ৰ কুমাৰ কলিতা৷ সদৌ অসম ছাত্ৰ সন্থাৰ কাৰ্যনিৰ্বাহক সদস্য অৰূপ কলিতাক লগত লৈ প্ৰায় ১৫০জন ছাত্ৰ-ছাত্ৰীক পাঠদান কৰাৰ উপৰি কিছু শিক্ষাৰ সজুলি বিতৰণ কৰে৷ খনিদ্ৰ কলিতাই মতপ্ৰকাশ কৰে যে লকডাউন সময়ত যাতে ছাত্ৰ-ছাত্ৰীৰ ওপৰত কোনো ধৰণৰ  প্ৰভাৱ নপৰে তাৰ প্ৰতি লক্ষ্য ৰাখিবলৈ সকলোকে আহ্বন জনায়৷