কাছাৰ জিলাৰ ডুলু চাহ বাগিছাত উচ্ছেদিত কৰাক লৈ বাক্সাত প্ৰতিবাদত
কাছাৰ জিলাৰ ডুলু চাহ বাগিছাত উচ্ছেদ কৰি চৰকাৰে বিভিন্ন আন্তঃগাথনি, ৰাষ্ট্ৰীয় ঘাইপথ, তৈল্যক্ষেত্ৰ, বিমান বন্দৰ নিৰ্মাণ, আধুনিক নগৰীকৰণ আদি কৰি চাহ বাগিছা উচ্ছেদ আৰু ধংস আদি কৰি চাহ শ্ৰমিক সকলৰ জীৱনলৈ যি ভাবুকি আনিছে তাৰ প্ৰতিবাদত আৰু শ্ৰমিক সকলক নিৰ্যাতন কৰাৰ প্ৰতিবাদত চাহ জনজাতি ছাত্ৰ সন্থাৰ আহ্বানত আজি বাক্সা জিলা চাহ জনজাতি ছাত্ৰ সন্থাৰ উদ্যোগত আজি তামুলপুৰ জিলা উপায়ুক্তৰ কাৰ্যালয়ৰ সন্মুখত দুই ঘন্টীয়া ধৰ্ণা কাৰ্যসূচী ৰূপায়ন কৰা হয়।
প্ৰতিবাদকাৰী সকলে আটছা জিন্দাবাদ, অসম চৰকাৰ মুৰ্দাবাদ, মুখ্যমন্ত্ৰী ড⁰ হিমন্ত বিশ্ব শৰ্মা মুৰ্দাবাদ, চাহ বাগিছাৰ উচ্ছেদ বন্ধ কৰক, বিজেপি চৰকাৰ হায় হায়, বিজেপি চৰকাৰ গো বেক, চাহ শ্ৰমিকৰ ভূমি অধিকাৰ প্ৰদান কৰক আদি শ্লোগান দি তামুলপুৰ জিলা উপায়ুক্তৰ কাৰ্যালয়ৰ পৰিবেশ উত্তাল কৰি তোলে৷প্ৰতিবাদকাৰী সকলে চাহ বাগানৰ উচ্ছেদ বন্ধ কৰাৰ বাবে তামুলপুৰ জিলাৰ উপায়ুক্তৰ জৰিয়তে অসমৰ মুখ্যমন্ত্ৰীলৈ এখন স্মাৰক পত্ৰ প্ৰেৰন কৰে৷