কা’ৰ প্ৰতিলিপি দাহেৰে ডিমৌত আছু’ৰ ক’লা পাতাকা লৈ উত্তাল প্ৰতিবাদ

নাগৰিকত্ব সংশোধনী আইনৰ প্ৰতিলিপি দাহেৰে আজি ডিমৌত আছু’ৱে ক’লা পাতাকা প্ৰদৰ্শন কৰি এক উত্তাল প্ৰতিবাদ সাব্যস্ত । সদৌ অসম ছাত্ৰ সন্থাৰ আহ্বান মৰ্মে ডিমৌ আঞ্চলিক ছাত্ৰ সন্থাৰ কৰ্মী সকলে ডিমৌ চাৰিআলিৰ ৩৭ নং ৰাষ্ট্ৰীয় ঘাই পথৰ ওপৰত নাগৰিকত্ব সংশোধনী আইনৰ প্ৰতিলিপি দাহ কৰি কেন্দ্রীয় আৰু ৰাজ্যৰ বিজেপি চৰকাৰখনক তীব্র সমালোচনা কৰাৰ লগতে অসমলৈ অহা প্ৰধানমন্ত্ৰী নৰেন্দ্ৰ মোদী আৰু কেন্দ্রীয় গৃহমন্ত্ৰী অমৃত শ্বালৈ ক’লা পাতাকা প্ৰতিবাদ স্হলিৰ পৰা প্ৰদৰ্শন কৰে। আছু’ৰ এই উত্তাল প্ৰতিবাদী কাৰ্যসূচীত ডিমৌৰ ভালেকেইগৰাকী জিলা আৰু মহকুমা পৰ্যায়ৰ কৰ্মীয়ে অংশগ্রহণ কৰে।  ‘কা’ বাতিলৰ দাবীত ছাত্র সংগঠনটোৰ কৰ্মী সকলে ৰাজ্যৰ বিভিন্ন প্ৰান্তত জোঁৰ সমদলৰ লগতে বিভিন্ন প্ৰতিবাদী কাৰ্যসূচী গ্ৰহণ কৰাত বাধা দিবলৈ আৰক্ষীয়ে প্ৰহাৰ কৰা কাৰ্যক তীব্র নিন্দা কৰিছে প্ৰতিবাদকাৰী সকলে।