“দৈনন্দিন বাৰ্তা’ কাকতৰ ৱেব পট্ৰেলত প্ৰকাশ পোৱা *নগাঁৱৰ উপায়ুক্তৰ সৰলতাৰ সুযোগ লৈ বহুৱাইছে দুৰ্নীতিৰ বজাৰ*”- শীৰ্ষক বাতৰিটো মোৰ দৃষ্টিগোচৰ হৈছে। বাতৰিটোত প্ৰকাশ হোৱা ধৰণে মই এম এছ ডি পি, বিধায়ক আৰু সাংসদ পুজিৰ নামত কোনো বজাৰ মুকলি কৰা নাই। আনকি, বিভিন্ন আচনিৰ নামত ঠিকাদাৰ, বিভিন্ন নিৰ্মাণ সমিতিৰ লোকৰ পৰা প্ৰতিটো কামৰ বিপৰীতে কমিচন আদায় কৰাটো মিছা আৰু ভিত্তিহীন। জিলা পৰিকল্পনা বিষয়াৰ কাৰ্যালয়ত বিভিন্ন পুজি মোকলাই দিয়াৰ বাবে ফাইল পোটআপৰ নামত মানুহক হাৰাশাস্তি কৰা নাই। এই ক্ষেত্ৰত জিলা উপায়ুক্তৰ সৰলতাৰ সুযোগ লোৱাৰ কথাটো তেনেই মিছা। মই কোনো মন্ত্ৰী-বিধায়ক বা নেতাৰ ঘনিষ্ঠ বুলি দম্ভালি মৰাটো কথাটো মনেসজা আৰু ভিত্তিহীন। সাংবাদিক আৰু আৰ টি আই কৰ্মী এ জে আকন্দক কোনো দুষ্ট চক্ৰই ভূল আৰু মিছা তথ্যৰ যোগান ধৰি মোৰ বিৰুদ্ধে বাতৰি পৰিৱেশন কৰাই জনমানসত হেয় প্ৰতিপন্ন কৰিব বিচাৰিছে। সেয়ে এনে বাতৰি পৰিৱেশন ভৱিষ্যতে নকৰিবলৈ মই বিনম্ৰ ভাবে অনুৰোধ জনাইছোঁ।
বিজয় কুমাৰ বিশ্বাস
সহকাৰী পৰিকল্পনা বিষয়া, নগাঁও।