“পৰিনীতিৰ নহয়, ৰাজনীতিৰ প্ৰশ্ন সুধিব” বুলি কোৱা ৰাঘৱ আছে পৰিনীতিৰ সৈতে প্ৰেমৰ সম্পৰ্কত! আপৰ সাংসদে জনালে অভিনন্দন
পৰিনীতি চোপ্ৰা আৰু আপ নেতা ৰাঘৱ চাধাৰৰ ডেটিংৰ উৰাবাতৰিৰ মাজতে সাংসদ সঞ্জীৱ অৰোৰাই টুইট কৰি দম্পতীহালক অভিনন্দন জনায়। দুয়োকে একেৰাহে দুদিন মুম্বাইত দুপৰীয়া আৰু ৰাতিৰ আহাৰ গ্ৰহণৰ সময়ত দেখা গৈছিল। ইয়াৰ পিছত তেওঁলোকৰ ডেটিংৰ খবৰটো শিৰোনামত আছিল। একে সময়তে সাংসদ সঞ্জীৱ অৰোৰাইও টুইট কৰি দুয়োকে অভিনন্দন জনাইছে।
I extend my heartfelt congratulations to @raghav_chadha and @ParineetiChopra. May their union be blessed with an abundance of love, joy, and companionship. My best wishes!!! pic.twitter.com/3fSWVT4evR
— Sanjeev Arora (@MP_SanjeevArora) March 28, 2023
আম আদমী পাৰ্টিৰ সাংসদ সঞ্জীৱ অৰোৰাই পৰিনীতি চোপ্ৰা আৰু ৰাঘৱ চাধাৰৰ ছবি শ্বেয়াৰ কৰাৰ সময়তে টুইটযোগে লিখিছে- পৰিনীতি চোপ্ৰা আৰু ৰাঘৱ চাধাক মই আন্তৰিক অভিনন্দন জনাইছো। তেওঁলোকৰ মিলন সুখৰ হওক, মোৰ শুভেচ্ছা।”পৰিনীতি আৰু ৰাঘৱক ৰেষ্টুৰেণ্টত প্ৰায়ে দেখা যায়।
শেহতীয়াকৈ বলীউডৰ অভিনেত্ৰী পৰিনীতি চোপ্ৰাক মুম্বাইৰ এখন ৰেষ্টুৰেণ্টৰ বাহিৰত আম আদমী পাৰ্টিৰ নেতা তথা পঞ্জাৱৰ ৰাজ্যসভাৰ সাংসদ ৰাঘৱ চাধাৰ সৈতে দেখা গৈছিল। আমোদজনক কথাটো হ’ল যে দম্পতীহালে বগা ৰঙৰ টুইনিং কৰিছিল। তাৰ পিছৰে পৰা দুয়োৰে ডেটিংৰ উৰাবাতৰি চলি আহিছে। অৱশ্যে যেতিয়া ভিডিঅ’ ভাইৰেল হয়, তেতিয়া আপৰ সাংসদ ৰাঘৱ চাধাই এই উৰাবাতৰিৰ প্ৰতিক্ৰিয়া প্ৰকাশ কৰে কৈছিল, “পৰিনীতিৰ নহয়, ৰাজনীতিৰ প্ৰশ্ন মোক সুধিব।”
চলিত বৰ্ষৰ জানুৱাৰী মাহত পৰিনীতি চোপ্ৰা আৰু ৰাঘৱ চাধাক ‘ইণ্ডিয়া ইউ কে আউটষ্টেণ্ডিং এচিভাৰ অনাৰ্ছ’ বঁটাও প্ৰদান কৰা হৈছিল। দেশত প্ৰথমবাৰৰ বাবে কোনোবাই এই সন্মান লাভ কৰিছে। ব্ৰিটিছ বিশ্ববিদ্যালয়ত অধ্যয়ন কৰা ভাৰতীয় ছাত্ৰ-ছাত্ৰীক মনত ৰাখি এই অনুষ্ঠানৰ আয়োজন কৰা হৈছিল। আমোদজনক কথাটো হ’ল পৰিনীতি চোপ্ৰাই ব্ৰিটেইনৰ মানচেষ্টাৰ স্কুলত পঢ়িছে। আনহাতে ৰাঘৱ চাধাই লণ্ডন স্কুল অৱ ইকনমিক্সৰ পৰা অধ্যয়ন কৰিছে।