কাইলৈ ‘মোডী উপাধি’ গোচৰত আদালতলৈ যাব ৰাহুল গান্ধী, চুৰাট আদালতৰ সিদ্ধান্তক প্ৰত্যাহ্বান জনাব…
কাইলৈ ‘মোডী উপাধি’ গোচৰত আদালতলৈ যাব ৰাহুল গান্ধী, চুৰাট আদালতৰ সিদ্ধান্তক প্ৰত্যাহ্বান জনাব!
মোডী উপাধিৰ মানহানিৰ গোচৰত শেহতীয়াকৈ চুৰাট আদালতে শাস্তি প্ৰদান কৰিছিল কংগ্ৰেছ নেতা ৰাহুল গান্ধীক। ‘মোডী উপাধি’ মানহানি গোচৰত দুবছৰৰ শাস্তি বিৰোধিতা কৰি ৩ এপ্ৰিলত চুৰাট আদালতত আবেদন দাখিল কৰিব পাৰে কংগ্ৰেছ নেতা ৰাহুল গান্ধীয়ে। শেহতীয়াকৈ মোডী উপাধিৰ মানহানিৰ গোচৰত চিজেএম আদালতে ৰাহুলক শাস্তি প্ৰদান কৰিছিল। সূত্ৰ অনুসৰি এই ৰায়ক প্ৰত্যাহ্বান জনাই আবেদন সাজু হৈছে। কাইলৈ ৰাহুলে আদালতত দাখিল কৰিব পাৰিব। মানহানিৰ গোচৰত দোষৰ ওপৰত স্থগিতাদেশ বিচাৰিব। দোষ বন্ধ হ’লেহে তেওঁৰ সংসদৰ সদস্যপদ ঘূৰাই পাব।
দৰাচলতে চলিত বৰ্ষৰ ২৩ মাৰ্চত চুৰাটৰ এখন আদালতে ৰাহুল গান্ধীক দোষী সাব্যস্ত কৰি ২০১৯ চনত ‘মোডী উপাধি’ৰ ওপৰত কৰা মন্তব্যৰ বাবে দুবছৰৰ কাৰাদণ্ডৰ শাস্তি প্ৰদান কৰিছিল। এই শাস্তিৰ পিছত ৰাহুল গান্ধীক লোকসভাৰ পৰা অযোগ্য ঘোষণা কৰাৰ লগতে তেওঁৰ সদস্যপদ বাতিল কৰা হৈছে। তেতিয়াৰ পৰাই সকলো কংগ্ৰেছ নেতাই বিজেপিৰ বিৰুদ্ধে ফ্ৰণ্ট খুলিছে।
২০১৯ চনৰ লোকসভা নিৰ্বাচনৰ প্ৰচাৰৰ সময়ত ৰাহুল গান্ধীয়ে কৰ্ণাটকৰ কোলাৰত মন্তব্য কৰিছিল যে ‘সকলো চোৰৰ নাম কেনেকুৱা মোডী’। ইয়াৰ পিছত তেওঁৰ বিৰুদ্ধে গোচৰ ৰুজু হৈছিল। তেওঁৰ বিৰুদ্ধে সমগ্ৰ মোডী সমাজৰ আৱেগক আঘাত আৰু কলংকিত কৰাৰ অভিযোগ উত্থাপন হৈছিল। ইয়াৰ বিপৰীতে এতিয়া আদালতে তেওঁক দুবছৰৰ কাৰাদণ্ড প্ৰদান কৰিছে।