ইণ্ডিয়ান প্ৰিমিয়াৰ লীগৰ প্ৰথম ছিজনৰ চেম্পিয়ন ৰাজস্থান ৰয়েলছে কাইলৈ জয়পুৰৰ ছাৱাই মানসিং ষ্টেডিয়ামত চলিত ১৭ সংখ্যক আই পি এলৰ এখন মেচত লক্ষ্ণৌ ছুপাৰ জায়ান্টসৰ বিৰুদ্ধে খেলি অভিযান আৰম্ভ কৰিব৷ ৰাজস্থান ৰয়েলছৰ নতুন ছিজনৰ প্ৰথমখন মেচৰ সাক্ষী হ’বলৈ দলীয় মেনেজমেণ্টে আজি ৰাজস্থানৰ মুখ্যমন্ত্ৰী ভজন লাল শৰ্মাক সোণালী টিকট উপহাৰ দি কাইলৈৰ মেচখনলৈ আমন্ত্ৰণ জনায়৷ এই উপলক্ষ্যে মুখ্যমন্ত্ৰীগৰাকীৰ জয়পুৰত থকা অ’ টি এছ বাসগৃহত ৰাজস্থানৰ ক্ৰীড়া মন্ত্ৰী ৰাজ্যবৰ্ধন সিং ৰাথোৰ উপস্থিতিত ৰাজস্থান ৰয়েলছৰ মুখ্য কাৰ্যবাহী বিষয়া জেক লুছ মেকক্ৰাম আৰু দলটোৰ উপ-সভাপতি [গ্ল’বেল পাৰ্টনাৰশ্বিপ] ৰাজীৱ খান্নাই মুখ্যমন্ত্ৰী ভজন লাল শৰ্মাক সাক্ষাৎ কৰি কাইলৈ হ’বলগা মেচখনলৈ আনুষ্ঠানিকভাবে আমন্ত্ৰণ জনায়৷
উল্লেখ্য যে আই পি এলৰ ২০২৪ ছিজনৰ বাবে জয়পুৰৰ ছাৱাই মানসিং ষ্টেডিয়ামত অনুৰাগীক আদৰণি জনোৱাৰ বাবে সাজু হৈছে ঘৰুৱা দল ৰাজস্থান ৰয়েলছ৷ সঞ্জু ছেমছন নেতৃত্বাধীন দলটোৱে কাইলৈ ছুপাৰ ছান ডেৰ প্ৰথমখন মেচত [বিয়লি ৩.৩০ বজাত] লক্ষ্ণৌ ছুপাৰ জায়েKI×ছৰ বিৰুদ্ধে ৰোমাঞ্চকৰ উদ্বোধনী মেচত অৱতীৰ্ণ হ’ব৷ ইতিমধ্যে ষ্টেডিয়ামখনৰ পৰিৱেশত দৃশ্যমান হৈছে কিছু পৰিৱৰ্তন৷ গোলাপী ৰঙৰ নতুন আসনে আইকনিক ষ্টেডিয়ামখনৰ সৌন্দয্য বৃদ্ধি কৰিছে৷ নতুন আৰু উন্নীতকৃত ব্যৱস্থা তথা আতিথ্যই অনুৰাগীসকলক যশস্বী জয়ছৱাল, সঞ্জু চেমছন, ৰবিচন্দ্ৰন অশ্বিন, জ’ছ বাটলাৰ আৰু যুজবেন্দ্ৰ চাহালকে ধৰি তেওঁলোকৰ প্ৰিয় খেলুৱৈসকলক আৰামত চোৱাৰ সুযোগ প্ৰদান কৰিব৷ ৰাজস্থান চৰকাৰৰ ক্ৰীড়া বিভাগৰ তত্বাৱধানত ৰাজস্থান ৰাজ্যিক ক্ৰীড়া পৰিষদৰ সহযোগত ৰয়েলছে খেল উপভোগ কৰিবলৈ অহা অনুৰাগীসকলে যাতে ষ্টেডিয়ামত সৰ্বোত্তম অভিজ্ঞতা লাভ কৰে সেইদিশত সকলো কৰণীয় কাম সম্পন্ন কৰিছে৷ ইফালে, ৰাজস্থান ৰাজ্যক গৌৰৱান্বিত কৰা প্ৰখ্যাত প্ৰাক্তন ক্ৰীড়াবিদসকলৰ লগতে ৰাজস্থান ক্ৰিকেট দলৰ প্ৰাক্তন অধিনায়কসকলকো ক্ৰীড়া বিভাগ তথা ৰয়েলছ দলে বিশেষভাবে আতিথ্য প্ৰদান কৰিব৷