ৰাখী সাৱন্তৰ এটা ভিডিঅ’ ওলাইছে, য’ত তেওঁ আদিল খানৰ পৰা ১.৫০ কোটি টকা বিচৰা দেখা গৈছে। শেহতীয়াকৈ অভিনেত্ৰীগৰাকীৰ মাতৃৰ মৃত্যুৰ পিছতে ৰাখী সাৱন্তৰ বিবাহিত জীৱনত আলোড়নৰ সৃষ্টি হৈছে। ৰাখীয়ে স্বামী আদিল খানৰ বিৰুদ্ধে বহু অভিযোগ উত্থাপন হৈছে। ৰাখীৰ আন এটা ভিডিঅ’ পোহৰলৈ আহিছে, য’ত তেওঁক আদিল খানৰ পৰা ধন বিচৰা দেখা গৈছে। এই ভিডিঅ’টো ওলোৱাৰ পিছত মানুহ যথেষ্ট আচৰিত হৈছে।
পোহৰলৈ আহিছে ৰাখী সাৱন্তৰ এটা ভিডিঅ’, য’ত আদিল খানক তেওঁৰ সন্মুখত বহি থকা দেখা গৈছে। ৰাখীয়ে ভিডিঅ’টোত সুধিছে যে মোৰ পৰা লোৱা ডেৰ কোটি টকা কেতিয়া দিবা। তেতিয়া আদিলে কয় যে চাৰি মাহৰ ভিতৰত দিব, এই কথা শুনাৰ পিছত ৰাখীয়ে কোৱা দেখা যায় যে তাই ভালপোৱা নিবিচাৰে, তাই কেৱল তাইৰ টকা বিচাৰে, যিটো কঠোৰ পৰিশ্ৰমেৰে উপাৰ্জন কৰিছে ৰাখীয়ে। ৰাখীয়ে নিজৰ গহনা বিক্ৰী কৰি এই ধন বিক্ৰী কৰা বুলি কোৱা দেখা যায়।
শেহতীয়াকৈ ক্ষুদ্ৰ পৰ্দাৰ নাটকৰ ৰাণী ৰাখী সাৱন্তে স্বামী আদিল খান দুৰানীৰ বিৰুদ্ধে কেইবাটাও গুৰুতৰ অভিযোগ উত্থাপন কৰি আৰক্ষীৰ এজাহাৰ দাখিল কৰিছিল। ইয়াৰ পিছতে ৭ ফেব্ৰুৱাৰীত আদিলক গ্ৰেপ্তাৰ কৰে আৰক্ষীয়ে। আদিল খানৰ বিষয়ে প্ৰকাশ কৰিছে বহু কথা ৰাখী সাৱন্তৰ ভাতৃ ৰাকেশ সাৱন্তই। তেওঁ কয় যে মাতৃ জয়া ভেড়াৰ মৃত্যুৰ দিনা আদিল খানে ৰাখী সাৱন্তক আক্ৰমণ কৰিছিল।