নাজিৰাত বিৰল প্ৰজাতিৰ বৰকাছ উদ্ধাৰ

নাজিৰা

 চতুৰ্থ পৰ্যায়ৰ লকডাউনৰ মাজতেই শিৱসাগৰ জিলাৰ নাজিৰাত উদ্ধাৰ হয় বিৰল প্ৰজাতিৰ বৰ কাছ। নাজিৰা ৰে’ল ষ্টেচনত উদ্ধাৰ হোৱা বিৰল প্ৰজাতি বৰকাছটো স্থানীয় ৰাইজে প্ৰত্যক্ষ কৰি বন বিষয়া অজিত গগৈক আৰু স্থানীয় সাংবাদিক খবৰ দিয়ে৷ স্থানীয় সাংবাদিক তথা বন বিভাগৰ বিষয়াই খবৰটো লাভ কৰি উক্ত স্থানত উপস্থিত হৈ বৰ কাছটোৰ সন্দৰ্ভত নাজিৰা মহকুমাৰ মহকুমাধিপতিক অৱগত কৰে। ৰে’ল ষ্টেচনৰ কাষতে থকা পিতনিৰ পৰা পাৰলৈ উঠি অহা বুলি সন্দেহ কৰা হৈছে প্ৰায় ২০ কেজি ওজনৰ বৰ কাছটো। পৰৰ্ৱতী সময়ত নাজিৰা মহকুমাধিপতি সম্প্ৰীতি গোস্বামীৰ সহযোগত ঐতিহাসিক বৰবৰুৱা বৰপুখুৰীত কাছটো মেলি দিয়ে৷