ৰাজগড়ত নাহৰফুটুকীৰ পোৱালি উদ্ধাৰ
টিংখাং
ডিব্ৰুগড় জিলা ৰাজগড় আৰক্ষী চকী সমীপৰ মহখোৱাত সোমবাৰে পুৱা দুটা নাহৰফুটুকী বাঘৰ পোৱালি উদ্ধাৰ হোৱাৰ বাতৰিয়ে অঞ্চলটোত চাঞ্চল্যৰ সৃষ্টি হয়। জানিব পৰা মতে মহখোৱাৰ নিবাসী তথা গাঁওবুঢ়া মহেন্দ্ৰ হাজৰিকাৰ চাহ বাগিচাত পাত চিঙি থকা সময়ত এগৰাকী শ্ৰমিকে বাগিচাখনৰ মাজত নাহৰফুটুকী বাঘৰ পোৱালি প্ৰত্যক্ষ কৰে।পিছত বাঘৰ পোৱালি দুটা উদ্ধাৰ কৰি ঘৰলৈ আনে।এই খবৰ বিয়পি পৰাত বাঘৰ পোৱালি দুটা চাবলৈ উক্ত স্থানত বহু লোকৰ সমাগম হয়৷ স্হানীয় লোকে বাঘৰ পোৱালি দুটা ৰাজগড় আৰক্ষী চকীত গতাই দিয়ে৷