মানাহ ৰাষ্ট্ৰীয় উদ্যানত গঁড়ৰ মৃত্যু

প্ৰকৃতিপ্ৰেমী সকলৰ বাবে দুখবৰ। বুধবাৰে পুৱতি নিশা  বিশ্ব ঐতিহ্য ক্ষেত্ৰ মানাহ ৰাষ্ট্ৰীয় উদ্যানত এজনী গঁড়ৰ মৃত্যু হয় । খবৰ পোৱা অনুসৰি, ৰাষ্ট্ৰীয় উদ্যানখনৰ বাঁ‌হবাৰী বনাঞ্চলত আন গড়ৰ আক্ৰমণত মৃত্যু হয় ৰাষ্ট্ৰীয় উদ্যানখনৰ ২২ নম্বৰ মাইকী গঁড়জনীৰ। উল্লেখ্য যে ১৪ এপ্ৰিলত পবিতৰাৰ পৰা অনা হৈছিল মাইকী গঁড়জনী ।পূৰ্বৰে পৰা আঘাতপ্ৰাপ্ত হৈ আছিল গঁড়জনী । ৰাষ্ট্ৰীয় উদ্যানখনৰ বনাঞ্চলত নতুনকৈ প্ৰৱেশ কৰা বাবে পুৰণি গঁড়ৰ আক্ৰমণত এই গঁড়জনীৰ মৃত্যু হোৱা বুলি সন্দেহ কৰিছে বন বিষয়া বাবুল ব্ৰহ্মই। 
পিছত ঘটনাস্থলীত ৰাষ্ট্ৰীয় উদ্যানখনৰ উপ সঞ্চালক ৰঘুনাথ বড়ো, বাহাবাৰী বনাঞ্চলিক বিষয়া বাবুল ব্ৰহ্ম,  চিকিৎসক প্ৰভাত বসুমতাৰীৰ লগতে ডব্লিউ ডব্লিউ এফৰ দল উপস্থিত হৈ মৰনোত্তৰ পৰীক্ষাৰ ব্যৱস্থা কৰে গঁড়জনীক ।