টেনিছৰ পৰা অৱসৰ লোৱাৰ সময় চাপি আহিছে ৰ’জাৰ ফেদেৰাৰ ৷

0 1,111

দৈনন্দিন বাৰ্তা ডেস্ক :

২০ বাৰ গ্ৰেণ্ড শ্লাম চেম্পিয়ন ৰ’জাৰ ফেদেৰাই স্বীকাৰ কৰিছে যে তেওঁ টেনিছৰ পৰা অৱসৰ লোৱাৰ সময় চাপি আহিছে ৷ কিন্তু জোৰ দিছিল যে তেওঁৰ দুৰ্দান্ত কেৰিয়াৰ শেষ হৈ গ’লে এই খেল বহু পৰিমাণে হেৰুৱাই পেলাব ৷ অহা মাহত ৩৯ বছৰ বয়সত উপনীত হ’ব লগা ছুইছ টেনিছ তাৰকাজন এটিপিৰ শীৰ্ষক খেলুৱৈ হৈ আছে আৰু এতিয়াও ডাঙৰ টুৰ্ণামেণ্টত জয়ে হ’বলৈ সক্ষম হৈ আছে৷ এই বছৰ অষ্ট্ৰেলিয়া অপেনত ছাৰ্বিয়ান তাৰকা ন’ভাক জোকোভিকক পোনপটীয়া ছেটত পৰাস্ত কৰি ছেমিফাইনেলত উপনীত হৈছিল ৷ ২০ বাৰকৈ গ্ৰেণ্ড শ্লাম লাভ কৰা ফেদেৰাই ৩১০ সপ্তাহ এটিপিৰ পুৰুষৰ শীৰ্ষ স্থান লাভ কৰি আছে ৷ তেওঁ অলিম্পিকত পুৰুষৰ ছিংগলছত ২০০৮ চনত সোণৰ পদক আৰু ২০১২ চনত লাভ কৰিছিল ৷ দুৰ্দান্ত ৰেকৰ্ডৰ অধিকাৰী ফেদেৰাই এতিয়া স্বীকাৰ কৰিছে যে তেওঁৰ পক্ষে এতিয়া পৰাস্ত কৰা সহজ নহয় ৷ এক সাক্ষাৎকাৰত ফেদেৰাই কয় যে তেওঁ অৱসৰৰ সময় চাপি আহিছে আৰু এতিয়া তেওঁ যিমান পাৰে কৰ্টত তেওঁ সময় উপভোগ কৰিব ৷ তেওঁ কয় যে অৱসৰৰ সময় আহিছে আৰু মই টেনিছক বহুল পৰিমাণে হেৰুৱাম ৷ এতিয়া অৱসৰ লোৱা মোৰ বাবে সহজ হ’ব ৷