‘আদিপুৰুষ’ বিতৰ্কৰ পিছত যোৱা বছৰ চলচ্চিত্ৰ নিৰ্মাতা নিতেশ তিৱাৰীয়ে ‘ৰামায়ণ’ ছবিখনৰ কথা ঘোষণা কৰিছিল। তেতিয়াৰ পৰা নিতেশ তিৱাৰীৰ ‘ৰামায়ণ’ ছবিখনে কাষ্টিং সন্দৰ্ভত শিৰোনাম দখল কৰি আহিছে। ছবিখনত ভগৱান ৰামৰ চৰিত্ৰত দেখা যাব ৰণবীৰ কাপুৰক। গতিকে এতিয়া খবৰ ওলাইছিল যে নিতেশ তিৱাৰীয়ে মাতা সীতাৰ চৰিত্ৰত দক্ষিণৰ অভিনেত্ৰী ছাই পল্লৱীক চূড়ান্ত কৰিছে। কিন্তু এতিয়া কোৱা হৈছে যে ছাই পল্লৱীৰ সলনি ৰামায়ণত নতুন অভিনেত্ৰী ল’বলৈ ওলাইছে। এক খবৰ অনুসৰি নিতেশ তিৱাৰীৰ ‘ৰামায়ণ’ত সাই পল্লৱীৰ ঠাইত জানৱী কাপুৰে স্থান লাভ কৰিছে। ‘ৰামায়ণ’ সন্দৰ্ভত এই খবৰে সাই পল্লৱীৰ অনুৰাগীক স্তম্ভিত কৰি তুলিছে আৰু জানৱীৰ ফেন ফ’ল’ৱাৰত সুখৰ জোৱাৰ। অৱশ্যে ছাই পল্লৱৰ প্ৰস্থান আৰু ঝনৱী কাপুৰৰ প্ৰৱেশ সন্দৰ্ভত কোনো আনুষ্ঠানিক বিবৃতি ছবি নিৰ্মাতাই দিয়া নাই।
নিতেশ তিৱাৰীৰ ‘ৰামায়ণ’ ছবিখনৰ তাৰকা অভিনেতা-অভিনেত্ৰীক লৈ দীৰ্ঘদিন ধৰি চৰ্চা চলি আহিছে। কোৱা হৈছে যে চলচ্চিত্ৰ নিৰ্মাতাসকলে ভগৱান ৰামৰ চৰিত্ৰত ৰণবীৰ কাপুৰ, বিভিষণৰ বাবে বিজয় সেঠুপথী আৰু হনুমানৰ বাবে ছানী দেওলৰ নাম চূড়ান্ত কৰিছে। সাই পল্লৱীৰ আগত আলিয়া ভট্টৰ নাম আহি আছিল মাতৃ সীতাৰ চৰিত্ৰত।