পিতৃক ড্ৰাগছৰ বেজীৰে সংজ্ঞাহীন কৰি নিজৰ পুত্ৰই বৃহত পৰিমাণৰ ধন লুটি লৈ যোৱাৰ দৰে চাঞ্চল্যকৰ ঘটনা সংঘটিত হৈছে গুৱাহাটীত।
জানিব পৰা মতে, ৩ লাখ ৫ হাজাৰ টকা লুট কৰি ঘৰৰ পৰা পলায়ন কৰিছে পুত্ৰ-বোৱাৰীয়ে।
দুদিনৰ পাছত হিতাহিত জ্ঞান ঘূৰাই পাই পিতৃয়ে চৰম পন্থা গ্ৰহণ কৰে।
চিকিৎসাৰ বাবে বেংকৰ পৰা উলিয়াই আনিছিল এই ধনখিনি।
গুৱাহাটীৰ নুনমাটিৰ বাপুজীনগৰত সংঘটিত হৈছে এই ভয়ংকৰ ঘটনা৷ ড্ৰাগছ আসক্ত পুত্ৰ ৰাহুল আলীয়ে সংঘটিত কৰে এই ঘটনা৷ ইতিমধ্যে নুনমাটি থানাত পুত্ৰ ৰাহুল আলীৰ বিৰুদ্ধে মাতৃয়ে দাখিল কৰিছে এজাহাৰ।
এই অভিযোগৰ পিছত পলাতক ৰাহুল আলীক বিচাৰি অভিযান তীব্ৰতৰ কৰি তোলা বুলি জনাইছে আৰক্ষীয়ে।