ছিপাঝাৰৰ দুই নিঠৰুৱা কণমানিলৈ ক্ৰীড়া সন্থাৰ গেছ, আৰ্থিক সাহায্য, সামগ্ৰী মণ্ডল বিজেপিৰ
ছিপাঝাৰৰ গোৱালঝাৰত পিতৃ মাতৃক অকালতে হেৰুৱাই নিঠৰুৱা হৈ পৰা ঘাটমাউৰা দুই কণমানি বাৰবছৰীয়া জ্যোতিষ্মান শৰ্মা আৰু আঠ বছৰীয়া কৰিশ্মাৰ দেৱীৰ দুখত সমভোগী হৈ সহায়ৰ হাত আগবঢ়ালে ছিপাঝাৰ মণ্ডল বিজেপি। ইতিমধ্যে স্থানীয় বিধায়ক ডঃ পৰমানন্দ ৰাজবংশীয়ে শিশু দুজনৰ ভৱিষ্যতৰ কথা চিন্তা কৰাৰ দৃঢ়তা প্ৰকাশ কৰাৰ পিছত বহু হৃদয়বান লোকে নিঠৰুৱা হৈ জীৱনৰ দিকবিদিক হেৰুৱাই পেলোৱা দুই শিশুৰ ওচৰত থিয় দদিয়াৰ পিছত ছিপাঝাৰ মণ্ডল বিজেপিৰ সভাপতি দীপক কুমাৰ নাথ, সম্পাদক, মহিলা মৰ্চা, সংখ্যা মৰ্চা, কৃষক,যুৱ মৰ্চাৰ এটা দলে কণমানি দুগৰাকীৰ গোৱালঝাৰস্থিত গৃহত উপস্থিত হৈ এক আৰ্থিক সাহায্যৰ লগতে কিছু খাদ্য সামগ্ৰীও প্ৰদান কৰে।
আনহাতে যোৱা কালি সন্ধিয়া ছিপাঝাৰৰ হাজৰিকাপাৰা ক্ৰীড়া সন্থাই ছিপাঝাৰ মণ্ডল বিজেপিৰ জৰিয়তে আহুকালত উৱাদিহ হেৰুৱাই পেলোৱা দুই ঘাটমাউৰা কণমানিলৈ আগবঢ়ায় ৰন্ধন গেছ।অকালতে পিতৃ -মাতৃ হেৰুৱা দুৰ্ভগীয়া দুই নিঠৰুৱা কণমানিৰ প্ৰতি দেখুওৱা সহমৰ্মিতাত সকলোৱে প্ৰশংসা কৰিছে।