পশ্চিম কাৰ্বি আংলঙৰ হাজাগাফাৰত Hazagaphar Raising Youthৰ উদ্যোগত অসম চৰকাৰৰ শক্তিমন্ত্ৰী নন্দিতা গাৰ্লোচাৰ উপস্থিতিত কৃতী ছাত্ৰ-ছাত্ৰীক সম্বৰ্ধনা। লগতে অঞ্চলটোৰ পৰা সৰ্বোচ্চ নম্বৰ লাভ কৰি গৌৰৱ কঢ়িয়াই অনা দুই কৃতী ছাত্ৰীক উপহাৰ হিচাপে Sengya Sambudhon Green Industries Private Limited নামৰ প্ৰতিষ্ঠান এটাই প্ৰদান কৰিলে ৫০ হাজাৰ টকাৰ চেক।
উল্লেখযোগ্য যে বৃহত্তৰ হাৱাইপুৰ অঞ্চলটোৰ উপৰিও লংকা অঞ্চলত বসবাস কৰা ডিমাছা সম্প্ৰদায়ৰ ছাত্ৰ-ছাত্ৰীসকলৰ ভিতৰত যিসকলে হাইস্কুল শিক্ষান্ত পৰীক্ষা আৰু উচ্চতৰ মাধ্যমিক শিক্ষান্ত পৰীক্ষাত প্ৰথম বিভাগত উত্তীৰ্ণ হৈছে সেইসকল ছাত্ৰ-ছাত্ৰীক গামোচা, মানপত্ৰ, ফাইল কভাৰ, গছ পুলি আদি প্ৰদান কৰি Hazagaphar Raising Youth নামৰ সংঘটোয়ে সম্বৰ্ধনা জনোৱাৰ লগতে হাইস্কুল শিক্ষান্ত পৰীক্ষাৰ ফলাফলত ৮৮% নম্বৰ লাভ কৰা প্ৰিন্সি হামামপুৰা আৰু উচ্চতৰ মাধ্যমিক শিক্ষান্ত পৰীক্ষাৰ ফলাফলত বিজ্ঞান শাখাত ৮৫% নম্বৰ লাভেৰে গৌৰৱ কঢ়িয়াই অনা চাৰা বি চৰণফং নামৰ ছাত্ৰী দুগৰাকীক Sengya Sambudhon Green Industries Private Limited নামৰ প্ৰতিষ্ঠানটোয়ে ৫০ হাজাৰ টকাৰ চেক প্ৰদান কৰি উৎসাহিত কৰাৰ লগতে কৃতি ছাত্ৰ-ছাত্ৰীৰ উজ্জ্বল ভৱিষ্যত কামনা কৰে।
সম্বৰ্ধনা অনুষ্ঠানত উপস্থিত থাকে অসম চৰকাৰৰ শক্তিমন্ত্ৰী নন্দিতা গাৰ্লোচা, ডিমা হাছাও স্বায়ত্ব শাসিত পৰিষদৰ কাৰ্যবাহী সদস্য নিৰঞ্জন হোজাইকে ধৰি অন্যান্য বিশিষ্ট ব্যক্তিসকল। লগতে হাজাগআফেৰ ইউদ নামক সংগঠনৰ উক্তোদা বিকাশ দিব্ৰা উপস্থিত থাকে৷
