অসম লোক সেৱা আয়োগৰ পৰীক্ষাত ৰঙাচাহী মহাবিদ্যালয়ৰ শিক্ষকৰ সাফল্য

সদ্য ঘোষিত 2018 বৰ্ষৰ অসম লোকসেৱা আয়োগৰ অসামৰিক সেৱাৰ পৰীক্ষাত মাজুলীৰ ৰঙাচাহী মহাবিদ্যালয়ৰ সমাজতত্ব বিভাগৰ সহকাৰী অধ্যাপক বেদান্ত বিকাশ বৰাই  21 ত্বম স্থান অধিকাৰ কৰি সফলতাৰে অঞ্চলটোৰ লগতে মহাবিদ্যালয়খনলৈ গৌৰৱ কঢ়িয়াই অনাত মহাবিদ্যালয়ৰ পৰিয়ালে 30 ডিছেম্বৰত মহাবিদ্যালয়ৰ অধ্যক্ষ ড: নৱ কুমাৰ গামৰ সভাপতিত্বত এখন সম্বৰ্ধণা সভা অনুস্থিত কৰে ৷ জেষ্ঠ সহযোগী অধ্যাপক তৰুণ কুমাৰ নাথে আঁত ধৰা সভাখনত মহাবিদ্যালয়ৰ কতৃপক্ষ ,শিক্ষক গোট , কৰ্মচাৰী গোট আৰু ছাত্ৰ পৰিষদে উস্ম আদৰণি জনোৱাৰ লগতে ফুলাম গামোচা ,শৰাই ,সঁফুৰা আদিৰে সম্বৰ্ধণা জনাই  সততা নিষ্ঠা আৰু একাগ্ৰতাৰে দেশ মাতৃৰ সেৱাত আত্ম নিয়োগ কৰিবলৈ শুভেচ্ছা জ্ঞাপন কৰে ৷ সম্বৰ্ধনা গ্ৰহন কৰি বৰাই কৰ্ত্তব্যৰ তাৰনাত মহাবিদ্যালয়ৰ পৰিয়ালক এৰি যাৱ লগা হোৱাত দুখপ্ৰকাশ কৰে আৰু ছাত্ৰ ছাত্ৰী সকলক জীৱন যুদ্ধত জয় লাভ কৰিবৰ কাৰণে কঠোৰ শ্ৰম আৰু অধ্যয়ন পুষ্ট হ’ৱলৈ পৰামৰ্শ আগবঢ়ায় ৷