ওদালগুৰি জিলাৰ টংলা ৰে’ল ষ্টেচনত যোৱা ২৪ আগষ্ট সন্ধিয়া দুই পক্ষৰ প্ৰচণ্ড মাৰপিটত ৫ জন লোক গুৰুতৰভাৱে আহত হয় ৷
ঘটনা সন্দৰ্ভত নিশা উত্তেজিত জনতাই জিআপিৰ আৰক্ষী থানা উত্তাল কৰি তোলে।উল্লেখযোগ্য যে উক্ত দিনা টংলাৰ ৫ জন ব্যবসায়ীয়ে সন্ধিয়া ৭ মান বজাত ষ্টেচনত বহি থকা অবস্থাত বিপৰীত দিশত বহি থকা টংলা ৱে’ৰ হাউছৰ পেডী প্ৰকিয়ৰমেন্ট চেন্টাৰৰ ভাৰপ্ৰাপ্ত বিষয়া সুনন্দ বড়োৰে তৰ্ক বিতৰ্কত লিপ্ত হয় ।অভিযোগ অনুসৰি সুৰাত মাতালহৈ ব্যক্তি কেইজন অবাইচ,বেয়া ভাষাৰে মাত কথা আলোচনা কৰি পৰিবেশ বিনষ্ট কৰি থকা ব্যক্তি কেইজনৰ ওচৰতে থকা সুনন্দ বড়োয়ে ভৰি এখন দাঙি লোৱাত ব্যক্তি কেইজনে বেয়া আচৰণ কৰে যাৰ ফলত সঞ্জয় সেন,মোনা পাল, আৰাধন দে, সুবল সৰকাৰ আৰু বিজয় সাহাৰ সৈতে তৰ্ক বিতৰ্ক কৰি প্ৰহাৰ কৰা ঘটনাই এক প্ৰকাৰৰ প্ৰতিক্ৰিয়া সৃষ্টি কৰে ৷ সুৰা মত্ত ব্যক্তি কেইজনে বেয়াকৈ সুনন্দক আঘাত কৰে।পিছলৈ
ঘটনাস্থলীত জিআৰপিএফৰ আৰক্ষী উপস্থিত হৈ সুনন্দ বড়োক জিআৰপিৰ আৰক্ষী থানালৈ লৈ আহে।
খবৰ বিয়পি পৰাৰ লগে লগে টংলা জিআৰপিএফ থানাত উত্তেজিত জনতাই আৰক্ষী থানা ঘেৰাও কৰে । ঘটনাস্থলীত ভেৰগাঁও মহকুমা আৰক্ষী বিষয়া জ্যোতিপ্ৰসাদ পেগু আৰু টংলা থানাৰ ভাৰপ্ৰাপ্ত পৰিদৰ্শক আৰক্ষী বিষয়া বিশ্বজিত মেধিসহ আৰক্ষীৰ দল উপস্থিত হৈ পৰিস্থিতি নিয়ন্ত্ৰণ কৰিবলৈ সক্ষম হয়।বিনা টিকটত এটা গেং হৈ সুৰা মত্তহৈ টিকট থকা এজন যাত্ৰী তথা টংলা ৱে’ৰ হাউছৰ পেডী প্ৰকিয়ৰমেন্ট চেন্টাৰৰ ভাৰপ্ৰাপ্ত বিষয়া সুনন্দ বড়োক মাৰ ধৰ কৰা, বেয়া আচৰণ কৰা উক্ত ব্যক্তি কেইজনক চিনাক্ত কৰি কেন্দ্ৰীয় ৰেল মন্ত্ৰী তথা টংলা আৰক্ষী প্ৰশাসনক আইনৰ দৃষ্টিৰে উচিত ব্যৱস্থা লবলৈ দাবী জনায় বিষয়া জনে।
