কাইলৈ সদ্যপ্ৰয়াত অভিনেতা সুশান্ত সিং ৰাজপুতৰ শেষৰখন চলচ্চিত্ৰ DIL BECHARAৰ শুভমুক্তি, কিদৰে চাব পাৰিব আপুনি

দৈনন্দিন বাৰ্তা সাংস্কৃতিক বাৰ্তাঃ কৰোনাৰ মাজতে চলচ্চিত্ৰ প্ৰেমীসকলৰ বাবে এটা ভাল খবৰ। অতি কম সময়ৰ ভিতৰতে জনপ্ৰিয়তা লাভ কৰা সুশান্ত সিং ৰাজপুতৰ অন্তিম খন চিনেমা “দিল বেচাৰা” মুক্তি পাব শুকুৰবাৰে। ২৪ জুলাই অৰ্থাৎ কাইলৈ সন্ধিয়া ৭-৩০ বজাত ডিজিটেল মাধ্যমত মুক্তিত লাভ কৰিব সুশান্ত সিং ৰাজপুতৰ অন্তিমখন ছবি দিল বেচাৰা, ডিজনী প্লাছ হটষ্টাৰত শুভমুক্তি দিয়া হ’ব ছবিখন। যোৱা ৭ জুলাইত মুক্তি লাভ কৰিছিল প্ৰয়াত সুশান্ত সিং ৰাজপুত আৰু নৱাগতা সঞ্জনা সংঘীৰ ছবি দিল বেচাৰাৰ ট্ৰেইলাৰ। মুক্তিৰ প্ৰথমটো দিনতে ইণ্টাৰনেটত সকলো অভিলেখ ভংগ কৰিছে সুশান্ত সিং ৰাজপুতৰ অন্তিম ছবিৰ ট্ৰেইলাৰে। ছবিখনৰ ট্ৰেইলাৰে চেৰ পেলাইছিল এভেঞ্জাৰ্চ এণ্ডগেমোকো। কেৱল ইমানেই নহয় সমগ্ৰ বিশ্বতে এক নম্বৰ জনপ্ৰিয় ভিডিঅ’ হৈ চৰ্চাৰ কেন্দ্রবিন্দু হৈ পৰিছিল ট্ৰেইলাৰটো। ভাৰতৰ লগতে আমেৰিকা, বিটেইন, কানাডা দৰ্শক সকলৰ বাবেও ডিজিটেল মাধ্যমত উপললদ্ধ হব চিনেমাখন। পৰিচালক মুকেশ ছাৱড়াই এই ছবিখনৰ সন্দৰ্ভত কয়, পৰিয়ালৰ সৈতে উপভোগ কৰিব পৰা এখন সুন্দৰ ছবি দিল Dil Bechara। কোনো ধন নোলোৱাকৈ দৰ্শকৰ বাবে ফ্ৰী(মাচুল নোলোৱাকৈ)ত এই ছবিখন আগবঢ়াই দিব Dil Bechara টীমে।