সুশান্ত সিং ৰাজপুতৰ আত্মহত্যাৰ নতুন ৰহস্য, গ্ৰেপ্তাৰ হ’ব পাৰে প্ৰেমিকা ৰিয়া চক্ৰৱৰ্তী

দৈনন্দিন বাৰ্তা ডিজিটেল ডেস্কঃ বলিউদৰ অভিনেতা সুশান্ত সিং ৰাজপুতৰ আত্মহত্যাকলৈ সৃষ্টি হৈছে নতুন ৰহস্যৰ। সুশান্তৰ পিতৃয়ে পুত্ৰৰ আকস্মিক মৃত্যুক এতিয়াও সহজে ল’ব পৰা নাই। অভিনেতা সুশান্ত সিং ৰাজপুতৰ পিতৃ কে কে সিঙে দাখিল কৰা এজাহাৰত বিস্ফোৰক অভিযোগ উত্থাপন কৰিছে সুশান্তৰ প্ৰেয়সী ৰিয়া চক্ৰৱৰ্তীৰ ওপৰত। সুশান্ত সিং ৰাজপুতৰ পিতৃয়ে এজাহাৰত তেওঁৰ পুত্ৰৰ মৃত্যুৰ কাৰণে ৰিয়া চক্ৰৱৰ্তীক দায়ী বুলি উল্লেখ কৰিছে। সুশান্তক আত্মহত্যা কৰিবলৈ উচতিন দিয়াৰ অভিযোগ তুলি সুশান্তৰ প্ৰেমিকা ৰিয়া চক্ৰৱৰ্তীৰ লগতে আন দুজনৰ বিৰুদ্ধে গোচৰ তৰিছে সুশান্তৰ পিতৃ কে কে সিঙে। এজাহাৰত উল্লেখ কৰা অনুসৰি ৰিয়া চক্ৰৱৰ্তীয়ে বিগত এবছৰত তেওঁ চিনি নোপোৱা কোনো অজ্ঞাত ব্যক্তিলৈ সুশান্তৰ একাউণ্টৰ পৰা ১৫কোটি টকা ট্ৰেঞ্চফাৰ কৰিছে। আনহাতে সুশান্তক পাগল প্ৰতিপন্ন কৰি মানসিক ৰোগীৰ ঠিকনালৈ পঠিয়াবলৈ পূৰ্ণ প্ৰয়াস কৰিছিল ৰিয়া চক্ৰৱৰ্তীয়ে। ইয়াৰ কাৰণে মানসিক অস্থিৰতাৰ ঔষধ খোৱাবলৈ আৰম্ভ কৰিছিল সুশান্তক। তাৰ পিছত ড্ৰাগছ অভাৰডোজৰ জোৰত লাহে লাহে মানসিক স্থিতাৱস্থা হেৰুৱাই পেলাইছিল সুশান্তই।উল্লেখযোগ্য যে, পিতৃৰ এজাহাৰৰ ভিত্তিত মুম্বাই আৰক্ষীয়ে ভাৰতীয় দণ্ডবিধি আইনৰ ৩৪১, ৩৪২, ৩৮০, ৪০৬, ৪২০, ৩০৬, ৫০৬ আৰু ১২০ বি ধাৰাত এফ আই আৰ ৰুজু কৰি তদন্ত অব্যাহত ৰাখিছে।