মিঠা আলুৰ উপকাৰিতা: মিঠা আলুত আঁহ, প্ৰটিন, পটাছিয়াম, আইৰণ, ভিটামিন আদি বহুতো পুষ্টিকৰ উপাদান থাকে। মিঠা খালে শৰীৰৰ বহু ৰোগ নিৰাময় হয়। শীতকাল আৰম্ভ হৈছে আৰু ক্ৰমান্বয়ে ঠাণ্ডা বাঢ়িছে। এই বতৰত বহুতো শাক-পাচলি আৰু ফল-মূল বজাৰত উপলদ্ধ। গোটেই বছৰটো মানুহে এই ফল-মূলৰ বাবে অপেক্ষা কৰে। ইয়াৰে এটা হৈছে মিঠা আলু, সিজোৱা বা পোৰা মিঠা আলু নাখালে শীতৰ আনন্দ আধৰুৱা হৈ পৰে। মিঠা আলু খোৱাৰ উপকাৰিতাৰ বিষয়ে জানো আহক-
চকুৰ দৃষ্টিশক্তি
দুৰ্বল দৃষ্টিশক্তি মজবুত কৰাত মিঠা আলু অতি উপকাৰী। ইয়াত বিটা কেৰটিন থাকে যিয়ে চকুক শক্তিশালী কৰি ৰখাত আৰু চকুৰ লগত জড়িত ৰোগসমূহ দূৰ কৰাত সহায় কৰে।
ৰক্তচাপ
মিঠা আলুত প্ৰচুৰ পৰিমাণে পটাছিয়াম থাকে যিয়ে ৰক্তচাপ নিয়ন্ত্ৰণত ফলপ্ৰসূ বুলি প্ৰমাণিত হয়। ৰক্তচাপ ৰোগীয়ে খাদ্য তালিকাত মিঠা আলু অন্তৰ্ভুক্ত কৰিব লাগিব।
হৃদযন্ত্ৰৰ স্বাস্থ্য
মিঠা আলুত পোৱা পটাছিয়াম হৃদযন্ত্ৰ সুস্থ কৰি ৰখাৰ বাবে অতি উপকাৰী। ইয়াৰ সেৱনে হাৰ্ট ষ্ট্ৰোককে ধৰি হৃদৰোগৰ সম্ভাৱনা হ্ৰাস কৰে।
শক্তিশালী হাড়
মিঠা আলুত প্ৰচুৰ পৰিমাণে আইৰণ, ফলেট আৰু ভিটামিন ডি থাকে যিবোৰ শৰীৰৰ বাবে অতি উপকাৰী। হাড় সুস্থ আৰু মজবুত কৰি ৰাখিবলৈ মিঠা আলু নিয়মিতভাৱে খাব লাগে।
শক্তিশালী ৰোগ প্ৰতিৰোধ ক্ষমতা
মিঠা আলুক ভিটামিন চিৰ উত্তম উৎস বুলি গণ্য কৰা হয়। দৈনিক মিঠা আলু খোৱাটোৱে শৰীৰক ঋতুভিত্তিক ৰোগৰ পৰা আঁতৰাই ৰাখে আৰু ৰোগ প্ৰতিৰোধ ক্ষমতা শক্তিশালী কৰে।
ওজন কমি যোৱা
মেদবহুলতাত আক্ৰান্ত লোকৰ বাবে মিঠা আলু খাব লাগে। ওজন কমাবলৈ মিঠা আলু খাদ্য তালিকাত অন্তৰ্ভুক্ত কৰিব লাগে।