গুৱাহাটীৰ মাজমজিয়াৰ পাঞ্জাবাৰীত দিনদুপৰতে গুলীয়াই হত্যা কৰিছিল পূৰবী ডেইৰীৰ বিতৰক ৰঞ্জিত বৰাক। ইতিপূৰ্বে সন্দেহযুক্ত কেইগৰাকীমানক আৰক্ষীয়ে আটক কৰিছিল যদিও মাৰাথন জেৰাৰ অন্তত এৰি দিছিল।
শেহতীয়াকৈ আজি মৰিগাঁৱৰ পৰা এজন অভিযুক্তক আটক কৰে আৰক্ষীয়ে। মৰিগাঁৱৰ বড়িগাৱৰ পৰা আটক কৰা ব্যক্তিজন আমিৰ আলী বুলি জানিবলৈ দিয়ে আৰক্ষীয়ে।
পাঞ্জাবাৰী বাসিন্দা আমিৰ আলী দীৰ্ঘ দিন মৰিগাঁৱৰ শহুৰেকৰ ঘৰত লুকাই আছিল বুলি আৰক্ষীয়ে জানিবলৈ দিয়ে। সম্প্ৰতি মৰিগাঁৱ থানাত মাৰাথন জেৰা অব্যাহত ৰাখিছে আৰক্ষীয়ে। ৰঞ্জিত বৰাৰ হত্যাকাৰীক গ্ৰেপ্তাৰ কৰিবলৈ সক্ষম নোহোৱাৰ বাবে তীব্ৰ সমালোচনাৰ সম্মুখীন হৈছিল আৰক্ষী। আমিৰ আলী ৰঞ্জিত বৰাৰ হত্যাকাণ্ডত জড়িত হয় নে নহয় আৰক্ষীৰ তদন্তত পোহৰলৈ আহিব।