বিত্তমন্ত্ৰী নিৰ্মলা সীতাৰমণে কয় যে জে পি নাড্ডাই তেওঁক অন্ধ্ৰ প্ৰদেশ বা তামিলনাডুৰ পৰা লোকসভা নিৰ্বাচনত প্ৰতিদ্বন্দ্বিতা কৰাৰ প্ৰস্তাৱ দিছিল। কিন্তু তেওঁ সেই প্ৰস্তাৱ নাকচ কৰিলে। লোকসভা নিৰ্বাচনত যুঁজিবলৈ তেওঁৰ হাতত প্ৰয়োজনীয় ধন নাই আৰু এই কাৰণেই বিজেপিৰ প্ৰস্তাৱৰ পিছতো তেওঁ লোকসভা নিৰ্বাচনত প্ৰতিদ্বন্দ্বিতা কৰিব বিচৰা নাছিল। এক অনুষ্ঠানত অংশগ্ৰহণ কৰি তেওঁ এই কথা কয়। সীতাৰমণে কয় যে বিজেপিৰ সৰ্বভাৰতীয় সভাপতি জে পি নাড্ডাই তেওঁক অন্ধ্ৰপ্ৰদেশ বা তামিলনাডুৰ পৰা লোকসভা নিৰ্বাচনত প্ৰতিদ্বন্দ্বিতা কৰাৰ প্ৰস্তাৱ দিছিল। কিন্তু নিৰ্বাচনত প্ৰতিদ্বন্দ্বিতা কৰিবলৈ তেওঁৰ হাতত পৰ্যাপ্ত ধন নাই বুলি যুক্তি দি তেওঁ এই প্ৰস্তাৱ নাকচ কৰে।
ধনৰ বাহিৰেও সীতাৰমণে নিৰ্বাচনত প্ৰতিদ্বন্দ্বিতা কৰাৰ কেইবাটাও ‘সমস্যা’ৰ কথা ক’লে। এই প্ৰস্তাৱ নাকচ কৰাৰ পিছতো নিজৰ সিদ্ধান্তক সন্মান জনোৱাৰ বাবে নিৰ্মলাই নিজৰ দলটোক ধন্যবাদ জনায়। ক’লে, “মই কৃতজ্ঞ যে তেওঁলোকে মোৰ যুক্তি মানি লৈছিল। গতিকে মই নিৰ্বাচনত প্ৰতিদ্বন্দ্বিতা কৰা নাই।” ইয়াৰ পিছত সীতাৰমণক সোধা হৈছিল, বিত্তমন্ত্ৰী হোৱাৰ পিছতো নিৰ্বাচনত যুঁজিবলৈ তেওঁৰ হাতত কিয় নাই ‘যথেষ্ট ধন’? উত্তৰত তেওঁ কয় যে দেশৰ ধন তেওঁৰ ব্যক্তিগত নহয়। নিৰ্মলাৰ ভাষাত, “মোৰ দৰমহা আৰু সঞ্চয় কম।”
অৱশ্যে বিত্তমন্ত্ৰীগৰাকীয়ে লোকসভা নিৰ্বাচনত বিজেপিৰ হৈ প্ৰচাৰ চলাব বুলি মন্তব্য কৰিছে। কেন্দ্ৰীয় মন্ত্ৰী ৰাজীৱ চন্দ্ৰশেখৰৰ উপৰিও বিজেপিৰ কেইবাজনো প্ৰাৰ্থীয়ে প্ৰচাৰ চলাব। প্ৰসংগক্ৰমে নিৰ্মলা সীতাৰমণ ৰাজ্যসভাৰ সাংসদ। এইবাৰ বিজেপিয়ে ৰাজ্যসভাৰ কেইবাজনো সাংসদক লোকসভাৰ টিকট দিছে। তাৰ ভিতৰত পীয়ুষ গোৱাল, ভূপেন্দ্ৰ যাদৱ, মনসুখ মাণ্ডবিয়া, জ্যোতিৰাদিত্য সিন্ধিয়া আদি।