ক্ষতিগ্ৰস্ত ব্যৱসায়ীক পুনৰ সংস্থাপন কৰিব চৰকাৰে: যোৰহাটৰ অগ্নিকাণ্ড সন্দৰ্ভত কেন্দ্ৰীয় মন্ত্ৰী সৰ্বানন্দ সোণোৱাল
শনিবাৰে কেন্দ্ৰীয় মন্ত্ৰী সৰ্বানন্দ সোণোৱালে অসমৰ যোৰহাট জিলাৰ শোকাৱহ দুৰ্ঘটনাগ্ৰস্ত চক বজাৰত উপস্থিত হয়।
ৰাজ্যসভাৰ সাংসদ কামাখ্যা প্ৰসাদ তাছা, স্থানীয় বিজেপি বিধায়ক হিতেন্দ্ৰ নাথ গোস্বামী আৰু যোৰহাটৰ উপ আয়ুক্ত পুলক মহন্তৰ সৈতে কেন্দ্ৰীয় মন্ত্ৰীগৰাকীয়ে পৰিস্থিতিৰ বুজ লয়।
সৰ্বানন্দ সোণোৱালে ঘোষণা কৰে যে চৰকাৰে বজাৰখনৰ ক্ষতিগ্ৰস্ত ব্যৱসায়ীসকলক পুনৰ সংস্থাপন কৰিব। এই সন্দৰ্ভত মুখ্যমন্ত্ৰী হিমন্ত বিশ্ব শৰ্মাৰ সৈতে কথা পাতিব বুলিও কয় কেন্দ্ৰীয় মন্ত্ৰীগৰাকীয়ে।
টুইটাৰত কেন্দ্ৰীয় মন্ত্ৰীগৰাকীয়ে এই সন্দৰ্ভত লিখিছে৷
উল্লেখযোগ্য যে, বৃহস্পতিবাৰে সন্ধিয়া চক বজাৰত ভয়ংকৰ অগ্নিকাণ্ড সংঘটিত হোৱাৰ পিছত ৩০০ৰো অধিক দোকান জ্বলি পুৰি ছাই হোৱাৰ পাছত এতিয়া সকলোবোৰ মাঁথো স্মৃতি হৈ ৰ’ল৷
অগ্নিনিৰ্বাপক বাহিনীৰ বিষয়াসকলে জনোৱা মতে, বজাৰখনৰ মূল গেটৰ সমীপত অৱস্থিত এখন কাপোৰৰ দোকানত অগ্নিকাণ্ড সংঘটিত হয়। তাৰ পিছত জ্বলি থকা জুইৰ লেলিহান শিখাই সমগ্ৰ বজাৰখনকে আগুৰি ধৰিলে।
অসমৰ ৰাজহ মন্ত্ৰী যোগেন মোহনে ঘটনাস্থলী পৰিদৰ্শন কৰি বৃহৎ অগ্নিকাণ্ডৰ প্ৰাদুৰ্ভাৱৰ পিছত পৰিস্থিতিৰ বুজ লয়। লগতে মন্ত্ৰীগৰাকীয়ে জিলা প্ৰশাসনক তদন্ত কৰি অগ্নিকাণ্ডৰ প্ৰকৃত কাৰণ জানিবলৈ নিৰ্দেশ দিয়ে।
এই মৰ্মান্তিক ঘটনাৰ পিছতে প্ৰায় ২০খন অগ্নিনিৰ্বাপক বাহিনীৰ নিবিদা সেই স্থানত উপস্থিত হয়। ততাতৈয়াকৈ অইল, অ’ এন জি চি, মৰিয়নী আৰু টেওকৰ অগ্নিনিৰ্বাপক বাহিনীৰ লোকসকলেও ততাতৈয়াকৈ অভিযান আৰম্ভ কৰে।
এই ঘটনাত কোনো লোকৰ প্ৰাণহানি বা আহত হোৱাৰ খবৰ পোৱা নগ’ল।