✍ গীতাশ্রী বৰা
সাম্প্ৰতিক সময়ত চুটি ছৱিৰ জনপ্ৰিয়তা ছ’চিয়েল মিডিয়াত অত্যাধিক। চুটি ছৱিৰ জনপ্ৰিয়তা আছে বাবেই হয়তু বহু সংখ্যক চুটি ছৱিৰ সৃষ্টি হৈছে। দৰ্শকৰ অভূত পৰিমাণৰ সঁহাৰিয়ে এনে চুটি ছৱিৰ নিৰ্মাণত সমাদৰ লাভ কৰিছে। চলচিত্র নিৰ্মাতাই গ্লেমাৰ থকা অভিনেতাকহে গুৰুত্ব দিয়া দেখা যায়। তেনে বহু কাৰণত কিছু অভিনেতা-অভিনেত্রীয়ে তেওঁলোকৰ প্ৰতিভা বিকাশ কৰিবলৈ সুবিধা নাপায়। এতিয়া খলকণি তোলা এই চুটি ছৱিবোৰ কৰিবলৈ ন-শিকাৰুসকল ওলাই আহিছে। তেওঁলোকৰ অভিনয়ৰ ক্ষেত্ৰখনত নতুন খোজ পেলাবলৈ সক্ষম হৈছে। ই এক শুভ লক্ষণ। একোখন চলচিত্র নিৰ্মাণৰ কাৰণে বহু অৰ্থ ব্যয় হয়। সময় আৰু পৰিবেশৰ কথা থকাৰ উপৰিও সুদীৰ্ঘ সময়ৰ প্ৰয়োজন হয় এখন চলচিত্র নিৰ্মাণৰ কাৰণে। চুটি ছৱিবোৰৰ ক্ষেত্ৰত এই কথা প্ৰযোজ্য নহয়। এটি সৰু কাহিনীৰ মাজত সমাজৰ মাজত ভাল বাৰ্ত্তা এটি দিব পাৰিলেই জনপ্ৰিয়তা বাঢ়িব। সমাজত ৰঘুমলাৰ দৰে সৃষ্টি নহৈ এনে চুটি ছৱিবোৰ আমাৰ মাজত বেছি সমাদৰ লাভ কৰিলে সাহিত্য-সংস্কৃতিৰ ক্ষেত্ৰত নিশ্চিতভাৱে আগুৱাই যাব পাৰিব। অলপতে প্ৰত্যক্ষ কৰিলো প্ৰতিষ্ঠিত গায়ক জুবিন গাৰ্গক লৈ কৰা এখন চুটি ছৱি। সৰ্বাধিক জনপ্ৰিয়তা লাভ কৰা এই চুটি ছৱিখনৰ প্ৰত্যক্ষদৰ্শী অধিক। এখন সৰ্ম্পূণ চলচিত্র নিৰ্মাণত ব্যয় বাহুল্যতালৈ মন কৰিলে, এনে চুটি ছৱিবোৰত অভিনয় কৰিবলৈ কিছু প্ৰতিভামান অভিনেতা-অভিনেত্রীয়ে সুযোগ পাব। এনে চুটি ছৱিবোৰে এক সুন্দৰ বাৰ্ত্তা সমাজলৈ আগবঢ়াব পাৰিলে সংস্কৃতি জগতখন নিশ্চয় চহকী হ’ব।