ঋতু সলনি হ’ল ভাৰতীয় ফুটবলৰ

ক’ৰোনা মহামাৰীৰ বাবে পিছুৱাই গ’ল ভাৰতীয় ফুটবলৰ সময়সূচী তথা ঋতু৷ দুমাহ পিছুৱালে এই ঋতু৷ ১ জুনত আৰম্ভ হয় ভাৰতীয় ফুবটবলৰ ঋতু৷ কিন্তু এইবাৰ আৰম্ভ হ’ব ১ আগষ্ট৷ এই কথা ইতিমধ্যে ঘোষণা কৰা হৈছে৷ এই ঋতু অহা বছৰৰ ৩১ মে’ত শেষ হ’ব৷ সেয়ে ফুটবল খেলুৱৈৰ পঞ্জীয়ন আৰম্ভ কৰিব পাৰে ক্লাববোৰে৷ ভাৰতীয় ফুটবল ফেডাৰেছনৰ প্ৰস্তাৱিত নতুন কেলেণ্ডাৰত সন্মতি দিছে ফিফাই৷ ফিফাই আগেয়ে জনাইছিল যে ক’ৰোনাৰ বাবে শেষ মুহূৰ্তত ট্ৰান্সফাৰ উইণ্ড পৰিৱৰ্তন কৰিব পাৰে সংশ্লিষ্ট দেশৰ ফুটবল সংস্থাবোৰে৷ সেই মতে নতুন ট্ৰান্সফাৰ উইণ্ড খোলাৰ দিন ঘোষণা কৰিলে ফেডাৰেছনে৷ প্ৰথম পৰ্যায়ৰ ৰেজিষ্ট্ৰেচন ১ আগষ্টৰ পৰা আৰম্ভ হ’ব৷ দ্বিতীয় ট্ৰান্সফাৰ উইণ্ড খুলিব ১ জানুৱাৰীত৷ ট্ৰান্সফাৰ উইণ্ডৰ দিন ঘোষণা কৰিলেও আইএছএল আৰু আই লীগ কেতিয়া হ’ব সেয়া জনোৱা নাই ভাৰতীয় ফুটবল ফেডাৰেছনে ৷