Breaking

১৯১৮ চনত স্পেনিছ ফ্লুত কঁপিছিল বিশ্ব : তেতিয়াও ক’ভিড-১৯ৰ দৰে মাস্ক পৰিধান, কোৱাৰেণ্টাইন

0 44

দৈনন্দিন বাৰ্তা প্ৰতিবেদন

জনপ্ৰবাদ, ইতিহাসে কেতবোৰ কথাৰ পুনৰাবৃত্তি ঘটায়৷ তাৰ এটা উদাহৰণ হ’ল ১৯১৮ চনৰ স্পেনিছ ফ্লু৷ এই স্পেনিছ ফ্লুত কঁপি উঠিছিল সমগ্ৰ বিশ্ব৷ তেনেদৰে ২০২০ চনত ক’ভিড-১৯ৰ বাবে কম্পমান সমগ্ৰ বিশ্ববাসী৷ প্ৰাপ্ত তথ্য মতে ১৯১৮ চনৰ মাৰ্চ আৰু এপ্ৰিল মাহত বসন্ত কালত ইউৰোপৰ জাৰ্মানী, ইংলেণ্ড, ফ্ৰান্স, স্পেইন আৰু আমেৰিকাত স্পেনিছ ফ্লুৱে সংহাৰৰূপ ধাৰণ কৰিছিল৷ তেতিয়া ভাইৰ’লজিষ্ট জন অক্সফৰ্ডৰ গৱেষণাত কোৱা হৈছিল, ফ্ৰান্সৰএটাপ্লেছে হাস্পতাল আৰু সেনা শিবিৰবোৰত প্ৰথম এনে ফ্লু ১৯১৬ চনৰ শেষৰ ফালে দেখা গৈছিল৷ তাৰ পাছত ১৯১৭ চনৰ মাৰ্চত আল্ডাৰশেটৰ সেনা শিবিৰত এই ৰোগত আক্ৰান্ত হোৱা দেখা গৈছিল৷ ১৯১৮ চনৰ মাৰ্চত এই মাৰাত্মক ভাইৰাছ এইচ১এন১ ইনফ্লুয়েঞ্জাৰৰ দৰে সমগ্ৰ বিশ্বক গ্ৰাস কৰে৷ ১৯১৯ চনৰ গ্ৰীষ্মকাল পৰ্যন্ত চলা এই মহামাৰীত বিশ্বজুৰি কমেও ৫০ মিলিয়ন মানুহৰ মৃত্যু হৈছিল৷ তেতিয়া কমেও ৫০০ মিলিয়ন লোক সেই ৰোগত আক্ৰান্ত হৈছিল৷ যিহেতু প্ৰথম৷বিশ্বযুদ্ধৰ সময়ত এই মহামাৰীয়ে তীব্ৰ ৰূপ ধাৰণ কৰিছিল৷ তেতিয়া আন কেতবোৰ দেশৰ চৰকাৰে ফ্লুত মৃত লোকৰ সংখ্যা কমকৈ লিখিবলৈ সংবাদ মাধ্যমক নিৰ্দেশ দিছিল৷ কিন্তু তুলনামূলকভাৱে নিৰপেক্ষ দেশ স্পেইনত এনেধৰণৰ কোনো হেঁচা নাছিল৷ আনকি সেইকালৰ স্পেইনৰ ৰজা অষ্টম আলফোন্সোৰ অসুস্থতাৰ খবৰো কাকতত ছাপা হৈছিল৷ তাৰ ফলতে বিশ্ববাসীৰ মনত ধাৰণ জন্মে৷স্পেইনত এই ৰোগে মাৰাত্মক ৰূপ লৈছে আৰু তাৰ পৰাই এই ৰোগৰ নাম স্পেনিছ ফ্ল নাম হয়৷ এই স্পেনিছ ফ্লত আটাইটকৈ বেছি মৃত্যু হৈছিল যুৱসকল৷ এদল বিশেষজ্ঞৰ মতে এইচ১এন১ ইনফ্লুয়েঞ্জাৰ ভাইৰাছে যুৱক-যুৱতীৰ শৰীৰত ৰোগ প্ৰতিৰোধ ক্ষমতা নষ্ট কৰি দিছিল৷ কিন্তু বৰ্তমান বিশেষজ্ঞৰ মতে বিশ্বযুদ্ধৰ সময়ত চিকিৎসালয়, সেনা শিবিৰ বা জনবসতিৰে পূৰ্ণ, অপৰিষ্কাৰ পৰিস্থিতি, অপুষ্টিকৰ আদি একাধিক কাৰণত ইনফ্লুয়েঞ্জাৰ মাৰাত্মক স্পেনিছ ফ্লুৱে তীব্ৰ ৰূপ ধাৰণ কৰিছিল৷ আজি ক’ভিড-১৯ৰ স্বাস্থ্য বিধিৰ মতে স্পেনিছ ফ্লু আছিল নিঃশ্বাসজনিত ভাইৰাছ৷ তেতিয়া তাৰ পৰা ৰক্ষা পাবলৈ তৎকালীনভাৱে বিশ্বত সুৰক্ষা বিধি মানি চলিছং৷ যেতিয়া ৰোগী থাকে তেতিয়া চিকিৎসক, চাফাইকৰ্মী, আৰক্ষী আদি সকলোৰে মুখত মাস্ক থাকে৷ তেতিয়াও অসুস্থ লোকক কোৱাৰেণ্টাইনত ৰখা হৈছিল৷ এই কোৱাৰেণ্টাইনত থকাৰ সময়ত সমাজৰ পৰা বিচ্ছিন্ন কৰি ৰখা হৈছিল৷ তেতিয়া ছ’চিয়েল মিডিয়া বা টিভি নাছিল৷ একমাত্ৰ ভৰষা আছিল টেলিফোন৷ মানুহক মাস্ক সম্পৰ্কে সচেতন কৰা আৰু কোৱাৰেণ্টাইন থকাত মানুহ পৰস্পৰৰ সৈতে সংযুক্ত কৰি ৰখাত টেলিফোনত কথাবতৰা কৰাৰ সময়ত বিজ্ঞাপন দিয়া ব্যৱস্থা এতিয়াৰ ক’ৰোনা ভাইৰাছ প্ৰতিৰোধ কৰাৰ দৰে ব্যৱস্থা আছিল৷