কাটাৰত ২০২২ চনৰ ২১ নৱেম্বৰৰ পৰা ১৮ ডিচেম্বৰত বিশ্ব কাপ ফুটবল ৷

0 1,221

দৈনন্দিন বাৰ্তা ডেস্ক :

২০২২ চনৰ ২১ নৱেম্বৰৰ পৰা ১৮ ডিচেম্বৰলৈকে অনুষ্ঠিত হ’ব বিশ্ব কাপ ফুটবল ৷ উল্লেখ্য যে প্ৰথমবাৰৰ বাবে শীতকালত এই ফুটবল বিশ্ব কাপ অনুষ্ঠিত হ’ব৷ ইয়াৰ পূৰ্বে শীতকালত পুৰুষৰ বিশ্ব কাপ ফুটবল অনুষ্ঠিত হোৱা নাছিল ৷ এইবাৰ বিশ্ব কাপ ফুটবল কাটাৰত অনুষ্ঠিত হ’ব ৷ এই বিশ্ব কাপৰ সূচী ঘোষণা কৰিছে ফিফাই৷ ২১ নৱেম্বৰত ৬০ হাজাৰ দৰ্শৰ বিশিষ্ট আল বেয়াত ষ্টেডিয়ামত উদ্বোধনী মেচ অনুষ্ঠিত হ’ব৷ সূচী অনুসৰি গ্ৰুপ পৰ্যায়ৰ মেচ ১২ দিন ধৰি হ’ব ৷ প্ৰতিদিনে চাৰিখন মেচ আয়োজন কৰা হ’ব ৷ স্থানীয় সময় দিনৰ ১, বিয়লি ৪, সন্ধিয়া ৭ আৰু ৰাতি ১০ বজাত মেচবোৰ অনুষ্ঠিত হ’ব ৷ গ্ৰুপ পৰ্যায়ৰ পাছত ৰাউণ্ড মেচ আৰু নকআউট পৰ্যায়ৰ খেল সন্ধিয়া ৬ আৰু ৰাতি ১০ বজাত অনুষ্ঠিত হ’ব ৷ ১৭ ডিচেম্বৰত খালিফা আন্তৰ্জাতিক ষ্টেডিয়ামত তৃতীয় স্থান নিৰ্ণয়ৰ মেচ অনুষ্ঠিত হ’ব ৷ তাৰ পাছ দিনা সন্ধিয়া ৬ বজাত ফাইনেল খেল অনুষ্ঠিত হ’ব ৷ ফাইনেল খেলখন লুছেল ষ্টেডিয়ামত আয়োজন কৰা হ’ব৷ এইখন ষ্টেডিয়াম ৮০ হাজাৰ আসন বিশিষ্ট ৷ তদুপৰি ছেমিফাইনেল হ’ব ৰাতি ১০ বজাত ৷ এই ফুটবল বিশ্ব কাপত ৩২ টা দলে অংশ গ্ৰহণ কৰিব ৷