ধুবুৰী জিলাৰ বিলাসী পাৰা মহকুমাৰ লক্ষীগঞ্জ গাওঁ পঞ্চায়তৰ অন্তৰ্গত শুকলাৰটাৰী গাঁৱত হয় এক নিকৃষ্ট কাণ্ড।
বুধবাৰে মাজনিশা প্ৰায় এক মান বজাত দুৰ্বৃত্তই আলাদ্দি সেখ তথা আলেমা বিবিৰ বাসগৃহৰ এটা গোহালিত অগ্নি সংযোগ কৰাত গোহালিটো সম্পূৰ্ণৰূপে ভস্মিভূত হয়, যাৰ ফলত মৃত্যুমুখত পৰে আঠটা উন্নত মানৰ ছাগলী, প্ৰায় ষাঠিটাৰো অধিক হাঁহ কুকুৰাৰ লগতে গোহালিটোৰ ভিতৰত থকা লক্ষাধিক টকাৰ সা-সামগ্ৰী।
স্থানীয় ৰাইজৰ তৎপৰতাত জুই নুমোৱাবলৈ সক্ষম হোৱাত ৰক্ষা পৰে ওচৰৰ ঘৰ দুৱাৰ।
সাংবাদিকৰ সাক্ষাৎকাৰত ঘৰৰ গৰাকীয়ে এই নিকৃষ্ট কাণ্ড সংঘটিত কৰা মুল কালপ্ৰিট জন জুই দাউ দাউ কৈ জ্বলি উঠা সময়ত ঘৰৰ কাষেদি দৌৰি যোৱা নিজ চকুৰে প্ৰত্যক্ষ কৰিছে বুলি জানিবলৈ দিয়ে, এই ক্ষেত্ৰত সমগ্ৰ ঘটনাৰ ন্যায় বিচাৰি দুৰ্ভগীয়া পৰিয়ালটোৱে প্ৰশাসনৰ কাষ চাপিছে।
আৰক্ষীয়ে এতিয়া কি ব্যৱস্থা গ্ৰহণ কৰে সেয়া হে হ’ব লক্ষ্যনীয়।