নগাঁৱৰ বঢ়মপুৰৰ বাৰগঞা মন্দিৰ সমীপত এটা অচিনাক্ত মৃতদেহ উদ্ধাৰক কেন্দ্ৰ কৰি তীব্ৰ চাঞ্চল্য

নগাঁৱৰ বঢ়মপুৰৰ বাৰগঞা মন্দিৰ সমীপত এটা অচিনাক্ত মৃতদেহ উদ্ধাৰক কেন্দ্ৰ কৰি তীব্ৰ চাঞ্চল্যৰ সৃষ্টি হৈছে ।  বঢ়মপুৰৰ বাৰগঁঞা নামঘৰৰ সমীপতত থকা এটা পুখুৰীত  উপঙি থকা অবস্থাত উদ্ধাৰ হয় মৃতদেহটো ।এজন অচিনাক্ত লোকৰ এই মৃতদেহটোক লৈ বঢ়মপুৰত এতিয়া তীব্ৰ চৰ্চা চলিছে ।কিয়নো বঢ়মপুৰৰ কোনো অঞ্চলৰ পৰিচিত ব্যক্তিৰ নোহোৱা এই মৃতদেহটো কিদৰে বঢ়মপুৰৰ উক্ত অজ্ঞাত স্থানত কিদৰে উদ্ধাৰ হ’ল তাক লৈ এতিয়া ৰহস্যঘন হৈ পৰিছে ।আনপিনে সন্দেহ কৰা হৈছে যে প্ৰায় দুই তিনিদিন পূৰ্বে  মৃতদেহটো পুখুৰীত পৰা কিয়নো ইতিমধ্যেয়ে মৃতদেহটো গেলিবলৈ আৰম্ভ কৰিছে ।পাছত সমগ্ৰ ঘটনা সন্দৰ্ভত আৰক্ষীক খবৰ দিয়াত আৰক্ষীৰ লোক উক্ত স্থানত উপস্থিত হৈ মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰে ।উল্লেখ্য যে অচিনাক্ত এই লোকজনৰ মৃতদেহটো কিদৰে বঢ়মপুৰৰ বাৰেগঞা নামঘৰৰ সমীপৰ পুখুৰীলৈ আহিল ।সেয়া পৰবৰ্তী সময়ত আৰক্ষীৰ সঠিক তদন্তহে পোহৰলৈ আহিব ।