এইবাৰ সমষ্টিয়ে সমষ্টিয়ে বাছ যাত্ৰা কৰি বিজেপিৰ বিৰুদ্ধে প্ৰচাৰ চলাব শীৰ্ষ কংগ্ৰেছ নেতাই

এইবাৰ চাইকেল নচলাই কংগ্ৰেছ নেতাই । এইবাৰ সমষ্টিয়ে সমষ্টিয়ে বাছ যাত্ৰা কৰি বিজেপিৰ বিৰুদ্ধে প্ৰচাৰ চলাব শীৰ্ষ কংগ্ৰেছ নেতাই।  কংগ্ৰেছৰ ‘অসম বচাও আহক’ কাৰ্যসূচীৰ অধীনত শীৰ্ষ নেতাই বাছেৰে কৰিব যাত্ৰা। বুধবাৰে এই সন্দৰ্ভত ৰাজীৱ ভৱনত আয়োজন কৰা হয় এখন সংবাদমেল।অহা ১২ ফেব্ৰুৱাৰীত বটদ্ৰৱা সমষ্টিৰ পৰা বাছেৰে যাত্ৰা আৰম্ভ কৰিব সাংসদ প্ৰদ্যুৎ বৰদলৈয়ে। সেইদৰে  দেৱব্ৰত শইকীয়াই ১২ ফেব্ৰুৱাৰীত শিৱসাগৰৰ পৰা আৰম্ভ কৰিব বাছ যাত্ৰা। সাংসদ গৌৰৱ গগৈয়ে ১৩ ফেব্ৰুৱাৰীত গুৱাহাটীৰ পৰা আৰম্ভ কৰিব যাত্ৰা। সুস্মিতা দেৱে শিলচৰৰ পৰা যাত্ৰা আৰম্ভ কৰি বৰাকৰ তিনিখন জিলা সামৰি ল’ব।ইফালে নিৰ্বাচনৰ প্ৰাক ক্ষণত এতিয়া উদুলি মুদুলি পৰিৱেশ ৰাজীৱ ভৱনত। নতুন নতুন বেনাৰ পোষ্টাৰ লগাই আটক ধুনীয়াকৈ সজাই তুলিছে প্ৰদেশ কংগ্ৰেছৰ মুখ্য কাৰ্যালয়টো ।