বুঢ়াচাপৰিৰ গুলিৰপাৰ চৰত বনৰীয়া গাহৰিৰ ভয়ঙ্কৰ আক্ৰমণত তিনিজন আহত

নগাঁও, ১৫ নৱেম্বৰ : বুঢ়াচাপৰি অভয়াৰণ্যৰ গুলীৰপাৰ চৰত খেতিত কাম কৰি থকা অৱস্থাতে আজি কেইজনমান লোকক বনৰীয়া গাহৰিয়ে আক্ৰমণ কৰে। বনৰীয়া গাহৰিটো বুঢ়াচাপৰি অভয়াৰণ্যৰ পৰা ওলাই অহা বুলি জানিব পৰা গৈছে। বনৰীয়া গাহৰিৰ আক্ৰমণত শিশুসহ চাৰি জন লোক গুৰুতৰ ভাৱে আহত হয়। আহত লোককেইজন হৈছে ক্ৰমে মৰ্জিনা খাতুন ( ১০) শ্বাহ আলী( ৫৫) চুলতানা বেগম (৫)আৰু শমৰ জান (৪০)। ইয়াৰে ভিতৰত শিশু মৰ্জিনা খাতুনৰ অৱস্থা সংকট জনক। আহত লোককেইজনক উন্নত চিকিৎসাৰ বাবে নগাওঁলৈ অসামৰিক চিকিৎসালয়লৈ প্ৰেৰন কৰা হৈছে।