দৰং জিলা তথা নামখলা গাওঁ পঞ্চায়তৰ অন্তৰ্গত গোমঠাপাৰা গাঁৱৰ দুৰ্গেশ্বৰ ডেকাৰ পুত্ৰ অজিত ডেকাসহ তিনি ডকাইত কৰায়ত্ত্ব৷ অজিত ডেকা কৰ্ম সূত্ৰে মুম্বাইত এলুমিনিয়াম কোম্পানীত আছিল৷
এলুমিনিয়াম কোম্পানীত অজিত ডেকাই বিহাৰৰ ভাগলপুৰ গাওৰ দেৱচন্দ মণ্ডলৰ পুত্ৰ সুৰেন্দ্ৰৰ মণ্ডল আৰু চুকান্দাৰ মণ্ডলৰ পুত্ৰ মনিলাল মণ্ডলৰ সৈতে একেলগে কাম কৰিছিল৷
![](https://www.dainandinbartagroup.in/wp-content/uploads/2023/01/IMG20230130150726-1-1024x768.jpg)
অজিত ডেকাই মুম্বাইৰ পৰা আহি ঘৰতে বিভিন্ন কামত ব্যস্ত আছিল যদিও ঘৰ বনোৱাৰ বাবে মিস্ত্ৰীৰ প্ৰয়োজন হোৱাত বিহাৰৰ বন্ধু দুজনক অজিত ডেকাৰ ঘৰলৈ আমন্ত্ৰণ মৰ্মে ৰেলেৰে ৰঙিয়ালৈ ৰঙিয়াৰ পৰা দিপিলালৈ আৰু পিচত ব্যক্তিগত বাহনেৰে অজিতৰ ঘৰত উপস্থিত হয়৷
বিহাৰৰ পৰা দুই ব্যক্তি পিষ্টল সহ উপস্থিত হোৱা বুলি আৰক্ষীয়ে জানিব পাৰি চোৰাংচোৱাৰ তথ্য মতে আৰক্ষী বিষয়া মিন্টু বৈশ্যৰ নেতৃত্বত অহা আৰক্ষী দলে ডকাইতৰ দলটিক কালপানী নদী ঘন জংঘলৰ পৰা তিনিজন ডকাইতক কৰায়ত্ব কৰিবলৈ সক্ষম হয়৷ ডকাইতৰ দলটোৱে গোমোঠাত জানুৱাৰীৰ ২৬ তাৰিখে উপস্থিত হৈ কালপানী নৈৰ পাৰত বাহৰ পাতি বিহাৰৰ দুই ব্যক্তিৰ সৈতে অঞ্চলটিত বচা বচা লোকক ডকাইটিৰ বাবে পৰিকল্পনা আৰু নিশা নিজ সৰাবাৰীৰ ব্যৱসায়ী দুলাল বৰুৱাক ডকাইত কৰাৰ পৰিকল্পনাৰ কথা আৰক্ষীক স্বীকাৰোক্তি প্ৰদান কৰে৷
স্থানীয় ব্যক্তি গোমঠাপাৰা গাওঁৰ দুৰ্গেশ্বৰ ডেকাৰ পুত্ৰ অজিত ডেকাৰ নেতৃত্বত দলটোৱে অঞ্চলটোত ধাৰাবাহিক ডকাইত কৰা যি পৰিকল্পনা কৰিছিল তাৰ পৰা স্থানীয় ৰাইজে মুক্তি পোৱা বুলি স্বস্তিৰ নিশ্বাস পেলায়৷ পাথৰিঘাট আৰক্ষী চকীৰ ভাৰপ্ৰাপ্ত আৰক্ষী বিষয়া মিন্টু বৈশ্যক স্থানীয় ৰাইজৰ হৈ নামখলা পঞ্চায়তৰ সভাপতি আক্ৰাম হুছেইনে ধন্যবাদ জ্ঞাপন কৰে৷
উল্লেখযোগ্য যে তিনি ডকাইতৰ পৰা পাথৰিঘাট আৰক্ষীয়ে ৫ জাই সজীৱ গুলি আৰু পিষ্টল সহ কৰয়াত্ব কৰিবলৈ সক্ষম হৈছে৷ আনহাতে আৰক্ষীবিষয়া মিন্টু বৈশ্যই ধাৰাবাহিক ভাৱে নামখলা অঞ্চলত তদন্ত চলাই যাব বুলি সংবাদ মাধ্যমক জানিব দিয়ে৷