আজি গৌৰী খানৰ জন্মদিন: এদিন গৌৰীয়েও শ্বাহৰুখক ব্ৰেকআপ দিছিল। জানক তেওঁলোকৰ প্ৰেম কাহিনী আঁৰৰ কিছু কথা…

গৌৰী আৰু শ্বাহৰুখৰ প্ৰেম কাহিনী প্ৰেমৰ কিতাপতকৈ কম নহয় যদিও ইয়াত ব্ৰেকআপৰ সোৱাদও আছিল। আজি আপোনালোকক শ্বাহৰুখ-গৌৰীৰ প্ৰেম কাহিনীৰ বিষয়ে জনাম। ১৯৭০ চনৰ ৮ অক্টোবৰত জন্ম হৈছিল গৌৰী খানৰ। আজি গৌৰী খানৰ জন্মদিন। আজি এই বিশেষ দিনটোতে শ্বাহৰুখ আৰু গৌৰীৰ প্ৰেমৰ সম্পৰ্কৰ বহু কথা আপোনালোকক জনাম।

গৌৰী খানৰ প্ৰকৃত নাম গৌৰী ছিব্বৰ। সবিতা আৰু দিল্লীত বাস কৰা পাঞ্জাবী-হিন্দু ব্ৰাহ্মণ কৰ্ণেল ৰমেশ চন্দ্ৰ ছিব্বৰৰ কন্যা। গৌৰীয়ে লৰেটো কনভেণ্ট স্কুলৰ পৰা স্কুলীয়া শিক্ষা গ্ৰহণ কৰাৰ বিপৰীতে লেডী শ্ৰী ৰাম কলেজৰ পৰা ইতিহাসত বি এ অনাৰ্ছ কৰে। ইয়াৰ উপৰিও নেচনেল ইনষ্টিটিউট অৱ ফেশ্বন টেকন’লজিৰ পৰা ফেশ্বন ডিজাইনিঙৰ পাঠ্যক্ৰমো কৰিছিল। ইয়াৰ পিছত গৌৰীয়ে দেউতাকৰ কাপোৰৰ ব্যৱসায়ত যোগদান কৰে আৰু লগতে টেইলাৰিঙৰ কৌশল শিকিলে। শ্বাহৰুখ আৰু গৌৰীৰ প্ৰথম লগ হৈছিল দিল্লীৰ এটা ক্লাবত। কোৱা হয় যে তেওঁ গৌৰীক প্ৰথম দেখাতেই প্ৰেমত পৰিছিল। সেই সময়ত কিং খানৰ বৰ লাজ লগা আছিল, যাৰ বাবে গৌৰীক তিনিবাৰ লগ পোৱাৰ পিছত গৌৰীৰ নম্বৰ বিচাৰিবলৈ সক্ষম হৈছিল। গৌৰীয়ে পঞ্চশীলত বাস কৰিছিল, আনহাতে শ্বাহৰুখৰ বাসগৃহ হাউজ খাছ। এনে পৰিস্থিতিত তেওঁ প্ৰায়ে গৌৰীৰ ঘৰৰ কাষত ঘূৰি ফুৰিছিল আৰু গৌৰী তেৰা গাওঁ বদা প্যাৰা, মই তো গয়া মাৰা আ কে য়াহান ৰে…. অৱশ্যে গৌৰীয়ে এই গীতটো একেবাৰেই ভাল নাপালে।

আজি প্ৰতিজন ব্যক্তিয়ে গৌৰী আৰু শ্বাহৰুখৰ প্ৰেমৰ দৰে প্ৰেম পূৰণ কৰাৰ সপোন দেখে, কিন্তু গৌৰী আৰু শ্বাহৰুখৰ মাজতো যে ব্ৰেকআপ হৈছিল সেয়া জানেনে? শ্বাহৰুখ খানে এই কথা উল্লেখ কৰিছিল বিখ্যাত টিভি পৰিচালক ডেভিদ লেটাৰমেনৰ মাই নেক্সট গেষ্ট নিডছ ন’ ইনট্ৰ’ডাকচন অনুষ্ঠানত। কোৱা হয় যে যেতিয়া গৌৰী আৰু শ্বাহৰুখৰ প্ৰেমৰ সম্পৰ্ক আৰম্ভ হৈছিল তেতিয়া এটা সময় আহিছিল যেতিয়া গৌৰীয়ে শ্বাহৰুখৰ কিছুমান কথা ভাল নাপাইছিল। আচলতে শ্বাহৰুখ বৰ পজিটিভ আছিল। সি নিবিচাৰিছিল গৌৰীয়ে তাইৰ চুলিখিনি আন মানুহৰ আগত মেলি ৰাখিব। কিন্তু শ্বাহৰুখৰ এনে কিছুমান কথাত গৌৰী মুম্বাইলৈ গুচি আহিছিল। ইয়াৰ পিছত শ্বাহৰুখো মুম্বাইলৈ আহিল আৰু গোটেই চহৰখনৰ প্ৰতিটো স্থানতে ঘূৰি ফুৰিছিল গৌৰীক বিচাৰি। এদিন গৌৰীয়ে তেওঁক এনেদৰে লগ পালে যে তেওঁলোকৰ কেতিয়াও বিচ্ছেদ নহ’ল।