হেঁপাহৰ ৰঙালী বিহুটি এতিয়া প্ৰতিজন অসমীয়াৰ ঘৰে ঘৰে ।সাত বিহুৰ পৰম্পৰা ৰক্ষাৰ্থে সাজু হৈছে সকলো। পৰম্পৰা অনুসৰি আজিৰে পৰা ৰাজ্যখনত উদযাপন হব গৰু বিহু ৷ইতিমধ্যে গৰু বিহু উদযাপনৰ বাবে সাজু হৈ পৰিছে প্ৰতিজন অসমীয়াই । গৰু বিহুৰ পূৰ্বে বজাৰত উপলব্ধ হৈছে ভিন্ন ধৰণৰ পঘা ।বাক্সা জিলাৰ মুছলপুৰৰ লগতে বিভিন্ন ঠাইৰ বজাৰত উপলব্ধ হৈছে ভিন্ন ধৰণৰ পঘা। ডাঙৰ গৰু, দামুৰী তথা ছাগলী আদিৰ বাবে উভৈনদী হৈ পৰিছে পঘা ।
বাক্সাৰ দীঘলদঙাৰ অজয় শীল নামৰ এজন ব্যৱসায়ীয়ে বিহুৰ পূৰ্বে তৈয়াৰ কৰিছে পঘা। নিজ হাতেৰে তৈয়াৰ কৰা এই সমূহ পঘা বিশৰ পৰা পচিশ টকা দৰত বজাৰত বিক্ৰী কৰি আহিছে ৷ অৱশ্যে পূৰ্ৱৰ তুলনাত পঘাৰ বিক্ৰী কম বুলি জানিব দিয়ে অজয় শীলে৷