কাইলৈ বিটিচিৰ প্ৰথম পৰ্যায়ৰ ভোটগ্ৰহণ
কাইলৈ অৰ্থাৎ সোমবাৰে বিটিচিত প্ৰথম পৰ্যায়ৰ ভোট গ্ৰহণ অনুষ্ঠিত হ’ব । তাৰ বাবে ইতিমধ্যে সকলো প্ৰস্তুতি সম্পূৰ্ণ হৈ উঠিছে। নিৰ্বাচনৰ লগত জড়িত সকলো বিষয়া- কৰ্মচাৰীয়েও নিজৰ নিজৰ ভোটগ্ৰহণ কেন্দ্ৰলৈ যাবলৈ সাজু হৈছে ৷ কাইলৈ অনুষ্ঠিত হ’ব হব লগা এই ভোটগ্ৰহণত বাক্সা জিলাৰ তিনিটা মহকুমাক সামৰি এঘাৰটা পৰিষদীয় সমষ্টিত হব ভোটগ্ৰহণ ৷
বাক্সাত ৭৪১৯১৯ জন ভোটাৰে ভোট দান কৰিব ৷ জিলাখনৰ এঘাৰটা সমষ্টিত ৭০ গৰাকী প্ৰাৰ্থীয়ে প্ৰতিদ্বন্দিতা কৰিছে । সেই মৰ্মে, মুছলপুৰত ২০ জন, তামুলপুৰত ৩৪ জন, শালবাৰীত ১৬ জন প্ৰাৰ্থী আছে । জিলাখনৰ মুঠ ভোট গ্ৰহণ কেন্দ্ৰৰ সংখ্য হৈছে ৯৩২টা ৷ তাৰে ভিতৰত স্পৰ্শকাতৰ ২৬৮টা ৷ অতি স্পৰ্শকাতৰ ৩৪২ টা ৷ ইয়াৰোপৰি মুছলপুৰ মহকুমাত আছে ৪ টা সমষ্টি, শালবাৰী মহকুমাত ২টা , তামুলপুৰ মহকুমাত আছে ৫টা সমষ্টি ।