Breaking

বিধান সভা নিৰ্বাচন সন্দৰ্ভত শীৰ্ষ বিষয়াৰে নাজিৰা মহকুমা প্ৰশাসনৰ আলোচনা

0 2,012

সমাগত বিধান সভা নিৰ্বাচনক কেন্দ্ৰ কৰি  কালি নাজিৰাৰ অতিৰিক্ত উপায়ুক্ত তথা ভাৰপ্ৰাপ্ত মহকুমাধিপতি লখিমী দত্তই মহকুমা শীৰ্ষক বিষয়া সকলৰ লগত এক গুৰুত্বপূৰ্ণ আলোচনাত মিলিত হয়। এই আলোচনাত মহকমাধিপতি লখিমী দত্তই বিভিন্ন বিভাগৰ মুৰব্বী তথা ছেক্টৰ আৰু জ’নেল বিষয়াসকলক উদ্দেশ্যি তেওঁলোকৰ দায়িত্ব সমূহ উচিত ভাবে আৰু সূচাৰুৰূপে পালন কৰিবলৈ এক চমু প্ৰশিক্ষণ আগবঢ়ায়।

আৱকাৰী বিভাগক তেখেতে উদ্দেশ্য কৰি কয় যে আহিবলগীয়া দিনকেইটাত তেওঁলোক অধিক সতৰ্ক হৈ থাকিব লাগিব যাতে কোনো লোকে সুৰাৰ বেহা  নিৰ্বাচনৰ সময়ছোৱাত কৰিব নোৱাৰে। কোনো দলীয় প্ৰাৰ্থীয়ে যাতে সুৰাৰ প্ৰলুভনেৰে ভোট দাতা সকলৰ ভোট ক্ৰয় নকৰে তাৰ প্ৰতিও তেওঁ প্ৰশাসনক তীক্ষ্ণ দৃষ্টি ৰাখিবলৈও কয়।

তদুপৰি flying squad, anti defacement আৰু video viewing team কে ধৰি অন্যান্য বিষয়া কৰ্মচাৰী সকলক তেওঁ সজাগ হৈ থাকিবলৈ নিৰ্দেশ দিয়ে আৰু যিকোনো অভিযোগ উত্থাপিত হ’লে তেওঁলোকক অনতিপলমে ব্যৱস্থা ল’বলৈ আহ্বান জনায়।

তেওঁ বিষয়া সকলক কয় যে জিলা নিৰ্বাচন ব্যৱস্থা পৰিকল্পনা খন অতি সোনকালেই Media Observer ক দেখুৱাব লাগিব। গতিকে প্ৰত্যেকটো ভোট গ্ৰহণ কেন্দ্ৰত যাতে নূন্যতম সা সুবিধা সমূহ উপলব্ধ থাকে তাৰ প্ৰতি লক্ষ্য ৰাখিবলৈ সকলোকে তেওঁ আহ্বান জনায়। অৱশেষত তেওঁ আহিবলগীয়া নিৰ্বাচন যাতে সুকলমে সম্পন্ন হয় তাকে কামনা কৰে।