দুই কণমানি।নাম নেহা খাৰীয়া (বয়স-১০) আৰু সুভাষ খাৰীয়া (বয়স-৫)।গহপুৰ আৰক্ষী থানাৰ অন্তৰ্গত গহপুৰ নগৰৰ ৬ নং ৱাৰ্ড (গোট বজাৰ) নিবাসী দিন হাজিৰা কৰা শ্ৰমিক বিকি খাৰীয়া(২৪)ৰ সন্তান তেওঁলোক।কিন্তু দুৰ্ভাগ্যজনক কথা এয়ে যে দৰিদ্ৰ পৰিয়ালটোৰ উক্ত দুই কণমানি যোৱা ৯ মে’ৰ পুৱা প্ৰায় ১০ বজাত ঘৰৰ পৰা অপহৃত হোৱাৰ পিছৰ পৰা আজিলৈকে কোনো শুংসুত্ৰ উলিয়াব পৰা নাই তেওঁৰ পিতৃ আৰু পৰিয়ালৰ লোকে।অৱশ্যে ক’ভিড মহামাৰীৰ এই ভয়াবহতাৰ মাজত কণমানি দুটিক সোশৰীৰে উদ্ধাৰ কৰিবলৈ তীব্ৰ অভিযান অব্যাহত ৰাখিছে গহপুৰ আৰক্ষী থানাৰ সহকাৰী উপ পৰিদৰ্শক ভাস্কৰ জ্যোতি নাথৰ নেতৃত্বত অভিযান চলোৱা আৰক্ষীৰ এটা অভিযানকাৰী দলে।উল্লেখযোগ্য যে,বিকি খাৰীয়া নামৰ শ্ৰমিক জন পৰিয়াল সহ গোট বজাৰ নিবাসী বুনি গোড় নামৰ মহিলাগৰাকীৰ ঘৰত ভাৰতীয়া হিচাপে থাকে।এনেদৰে যোৱা প্ৰায় তিনি মাহৰ পৰা ভাৰতীয়া হিচাপে থকাৰ পিছত অকলশৰীয়া বুনি গোড়ৰ লগত বিকি খাৰীয়াৰ পৰিয়ালটোৰ আন্তৰিক সম্পৰ্ক গঢ়ি উঠে।আৰু বিকি দিন হাজিৰা কৰিবলৈ ওলাই গ’লে মাতৃহাৰা উক্ত দুই কণমানিয়ে বুনি গোড়ৰ লগতে সময় অতিবাহিত কৰে।আনদিনাৰ দৰে যোৱা ৯ মে’ৰ পুৱা বিকি খাৰীয়া কামলৈ ওলাই যোৱাৰ সময়ত বুনি গোড়ৰ ওচৰত থৈ গৈছিল তেওঁৰ দুই সন্তান নেহা আৰু সুভাষক।সন্ধিয়া কামৰ পৰা আহি ঘৰৰ মালিকনী বুনি গোড়ৰ লগতে তেওঁৰ দুই সন্তানক ঘৰত নেদেখি বিকি খাৰীয়াই প্ৰথমে ওচৰে পাজৰে বিচাৰ-খোচাৰ কৰে যদিও তেওঁলোকৰ কোনো সন্ধান নাপালে।পিছদিনাৰ পৰা কেইবাদিনো তেওঁ সাম্ভাব্য স্থান সমূহত তেওঁলোকৰ বিচাৰ-খোচাৰ কৰে যদিও কোনো সন্ধান উলিয়াব নোৱাৰিলে।ইপিনে ঘৰৰ মালিকনী বুনী গোড়ৰ ৯৭০৬৭২৩২১০ নম্বৰৰ মবাইল ফোনটো ৯ মে’ৰ পৰাই ছুইচ অফ হৈ পৰাত সমগ্ৰ বিষয়টো ৰহস্যজনক হৈ পৰাৰ লগতে দুই কণমানি নেহা আৰু সুভাষক বুনী গোড়ে অপহৰণ কৰি লৈ যোৱা বুলি সন্দেহ প্ৰকাশ কৰে বিকি খাৰীয়াৰ লগতে স্থানীয় ৰাইজে।যাৰ বাবে ঘটনাৰ সমস্ত কাহিনী বৰ্ণনা কৰি যোৱা ১৬ মে’ত গহপুৰ আৰক্ষী থানাত অপহৰণ সংক্ৰান্তীয় এখন এজাহাৰ দাখিল কৰে বিকি খাৰীয়াই।উক্ত এজাহাৰৰ ভিত্তিত ভাৰতীয় দণ্ডবিধীৰ ৩৬৩ ধাৰাৰ অধীনত ১২৮/২১ নম্বৰত এক গোচৰ পঞ্জীয়ন কৰি গহপুৰ আৰক্ষী থানাৰ সহকাৰী উপ পৰিদৰ্শক ভাস্কৰ জ্যোতি নাথৰ নেতৃত্বত অপহৃত দুই কণমানি নেহা আৰু সুভাষক সোশৰীৰে উদ্ধাৰ কৰা আৰু অপহৰণকাৰী বুনী গোড়ক গ্ৰেপ্তাৰ কৰিবলৈ অভিযান তীব্ৰতৰ কৰি তুলিছে।দিন-ৰাতি একাকাৰ কৰি চলোৱা আৰক্ষীৰ এই অভিযানত বৰ্তমানলৈকে তেওঁলোকৰ কোনো সন্ধান পোৱা নাই যদিও এইক্ষেত্ৰত আৰক্ষীয়ে তেওঁলোকৰ অভিযানত অকণো ক্ৰুটি ৰখা নাই। কোনো সদাশয় লোকে এইক্ষেত্ৰত কিবা খবৰ পালে গহপুৰ আৰক্ষীৰ লগত যোগাযোগ কৰিবলৈ অনুৰোধ জনোৱা হৈছে।
Breaking
- গুৱাহাটী স্মাৰ্ট চিটী প্ৰকল্প পৰ্যবসিত হৈছে খীৰতী গাইলৈ। ছ বছৰত ৩৬৪ কোটি ব্যয় কৰাৰ পিছতো প্ৰতিফলিত হোৱা নাই উন্নয়নৰ ছবি
- কৃতি চাননৰ ৩২ তম জন্মদিনত সুশান্তৰ সৈতে ৰোমান্টিক ফটো চাওক। আৱেগিক হৈ পৰিল কৃতি চানন
- চৰাইবাহী বৰভগীয়াত ড্ৰাগচ বিৰোধী অভিযানত মিকিৰভেটা আৰক্ষীৰ বৃহৎ সফলতা
- অত্যাৱশ্যকীয় সামগ্ৰীৰ মূল্য বৃদ্ধিৰ বিৰুদ্ধে গোলাঘাট মহকুমা ছাত্ৰ সন্থাৰ উত্তাল প্ৰতিবাদ
- গুৱাহাটী পৌৰ নিগমৰ সহকাৰী আয়ুক্তক নলাত জাবৰ পেলোৱাত বাধা দিয়াৰ বাবেই আক্ৰমণ…
- ভগৱান শ্ৰীকৃষ্ণৰ পৰা জীৱন যাপনৰ কিছু কলা শিকি লওক, প্ৰতিটো ক্ষেত্ৰতে লাভ কৰিব সফলতা…
- সাৱধান! খালী পেটেৰে দিনটোলৈ ঘৰৰ পৰা বাহিৰলৈ যায় নেকি? সোনকালে হ’ব পাৰে ৰুগীয়া…
- জেআাইচি ইন্টাৰনেচলেন মেঘা ইভেন মহিলা সমিতিৰ কাপোৰৰ মেলা অনুষ্ঠিত…
- অনুৰাগী অবাকঃ ভঙা হাতেৰে কাঁন চলচ্চিত্ৰ মহোৎসৱৰ ৰেড কাৰ্পেটত খোজ ঐশ্বৰ্য ৰায় বচ্চনৰ…
- পুনৰ বহিঃৰাজ্যত নিৰুদ্দিষ্ট অসমৰ যুৱক গৌতম দাস…
- বিজেপিৰ হৈ সেৱা কৰিব বুলি মিছা কৈছিল আনন্দ মিশ্ৰইঃ মুখ্যমন্ত্ৰী ড০ হিমন্ত বিশ্ব শৰ্মা…
- কেন্দ্ৰীয় খাদ্য সুৰক্ষা বিভাগৰ কঠোৰ নিৰ্দেশনা ! ফল পকোৱাৰ ক্ষেত্ৰত ব্যৱহাৰ কৰিব নোৱাৰিব কেলচিয়াম কাৰ্বাইড…
- ঢেকীয়াজুলিৰ ১৫ নং ৰাষ্ট্ৰীয় ঘাইপথত নিশা ভয়ংকৰ পথ দুৰ্ঘটনা সংঘটিত…
- পশ্চিম কাৰ্বি আংলঙৰ হাৱাইপুৰৰ জিৰিবাছা ভেটাপাৰাত হাতী-মানুহৰ সংঘাত, নিহত এজন…