Breaking

স্বাধীনতা দিৱস ফুটবল প্ৰতিযোগিতাত ইউনাইটেড-মৰ্ণিং এফ চি পৰৱৰ্তী ৰাউণ্ডত…

0 186

ধেমাজি জিলাৰ গোগামুখ মহৰিকেম্পস্থিত ৰাজীৱ গান্ধী গ্ৰাম্য ক্ৰীড়া প্ৰকল্পত অনুষ্ঠিত হৈ থকা স্বাধীনতা দিব কাপ ফুটবল প্ৰতিযোগিতাত গোগামুখ ইউনাইটেড এফ চি আৰু গোগামুখ মৰ্ণিং এফ চিয়ে পৰবৰ্তী ৰাওণ্ডত প্ৰৱেশ কৰিছে ৷ গোগামুখ মহাবিদ্যালয় এফ চি আৰু গোগামুখ ইউনাইটেড এফ চিৰ মাজত অনুষ্ঠিত হোৱা খেলখনত গোগামুখ ইউনাইটেড এফ চিয়ে গোগামুখ মহাবিদ্যালয় এফ চিক ৩-০ গলৰ ব্যৱধানত পৰাস্ত কৰি পৰবৰ্তী ৰাওণ্ডত প্ৰৱেশ কৰে ৷

উত্তেজনাপূৰ্ণ খেলখনত ১৬-১৮ বছৰীয়া খেলুৱৈৰে গঠিত গোগামুখ মহাবিদ্যালয় এফ চিয়ে অসমৰ বিভিন্ন প্ৰান্তৰ বাছকবনীয়া খেলুৱৈৰে গঠিত গোগামুখ ইউনাইটেড এফ চিক সুন্দৰ বুজা-পৰাৰ মাজেৰে চাপত ৰাখিবলৈ সক্ষম হোৱাৰ লগতে ৭ টাকৈ গল দিয়াৰ নিশ্চিত সুযোগ লাভ কৰিছিল যদিও অভিজ্ঞতাৰ অভাৱত এটাও গল কৰিবলৈ সক্ষম নহ’ল ৷

গোগামুখ মহাবিদ্যালয় এফ চিৰ প্ৰতিটো আক্ৰমণ ইউনাইটেড এফ চিৰ অভিজ্ঞ ডিফেণ্ডাৰ সকলে প্ৰতিহত কৰিবলৈ সক্ষম ৷ আন এখন খেলত গোগামুখ মৰ্ণিং এফ চিয়ে ওখমাটি এফ চিক ৭-০ গলৰ ব্যৱধানত পৰাস্ত কৰি পৰবৰ্তী ৰাওণ্ডত প্ৰৱেশ কৰিবলৈ সক্ষম হয় ৷ উত্তেজনাহীন খেলখনত ওখমাটি দলৰ খেলুৱৈ সকলৰ দুৰ্বল খেলে উপস্থিত দৰ্শকক নিৰাশ কৰে ৷