ভাৰত ভ্ৰমণ কৰি অষ্ট্ৰেলিয়াৰ প্ৰধানমন্ত্ৰীয়ে ক’লে ‘আমি ভাল বন্ধু আৰু প্ৰধানমন্ত্ৰী মোদী…’
ভাৰত ভ্ৰমণ কৰা অষ্ট্ৰেলিয়াৰ প্ৰধানমন্ত্ৰী এণ্টনি আলবানিজে ভাৰতক অংশীদাৰ বুলি অভিহিত কৰি কয় আমি ভাল বন্ধু। অষ্ট্ৰেলিয়াত লেবাৰ পাৰ্টিৰ চৰকাৰ গঠন হোৱাৰ পিছত প্ৰথমবাৰৰ বাবে ভাৰতলৈ আহিছে প্ৰধানমন্ত্ৰী এন্থনী। ভাৰতৰ বৈদেশিক পৰিক্ৰমা মন্ত্ৰালয়ে কয় যে তেওঁৰ এই ভ্ৰমণে দুয়োখন দেশৰ দ্বিপাক্ষিক সম্পৰ্ক আৰু অধিক শক্তিশালী কৰিব।
অষ্ট্ৰেলিয়াৰ প্ৰধানমন্ত্ৰী এন্থনীয়ে ভাৰত-অষ্ট্ৰেলিয়াক অংশীদাৰ বুলি অভিহিত কৰিছে। তেওঁ কয়, প্ৰধানমন্ত্ৰী মোদীয়ে মোক বিশেষ ভাৱে আদৰণি জনাইছিল। অষ্ট্ৰেলিয়া আৰু ভাৰত ভাল বন্ধু আৰু আমিও এই সম্পৰ্কক প্ৰতিদিনে শক্তিশালী কৰিবলৈ চেষ্টা কৰি আছোঁ।
৯ মাৰ্চত আহমেদাবাদৰ নৰেন্দ্ৰ মোডী ষ্টেডিয়ামত ভাৰত আৰু অষ্ট্ৰেলিয়াৰ মাজত বৰ্ডাৰ-গাভাস্কাৰ ট্ৰফীৰ চতুৰ্থখন টেষ্ট মেচ অনুষ্ঠিত হয়। এইখন ৪ মেচ ছিৰিজৰ অন্তিমখন মেচ। আজি দ্বিতীয় দিনাৰ বাবে খেল অব্যাহত আছে। প্ৰধানমন্ত্ৰী মোডী আৰু অষ্ট্ৰেলিয়াৰ প্ৰধানমন্ত্ৰী একত্ৰিত হৈ এই খেলখন চাবলৈ আহিছিল। দুয়োখন দেশৰ প্ৰধানমন্ত্ৰীসকলে নিজ নিজ দেশৰ খেলুৱৈসকলক সাক্ষাৎ কৰি ৰথত উঠি খেলপথাৰখন ভ্ৰমণ কৰে।
‘হল অৱ ফেম মিউজিয়াম’ উদ্বোধন
টেষ্ট মেচ চাবলৈ বিশ্বৰ সৰ্ববৃহৎ ক্ৰিকেট ষ্টেডিয়ামত উপস্থিত হোৱা হাজাৰ হাজাৰ ক্ৰিকেটপ্ৰেমীয়ে গলফ কাৰ্টত উঠি মোডী আৰু আলবানিজক হাতচাপৰিৰে আদৰণি জনায়। দুয়োগৰাকী প্ৰধানমন্ত্ৰীয়ে নৰেন্দ্ৰ মোডী ষ্টেডিয়ামত ‘হল অৱ ফেম মিউজিয়াম’ উদ্বোধন কৰে। ভাৰতীয় অধিনায়ক ৰোহিত শৰ্মা আৰু অষ্ট্ৰেলিয়াৰ অধিনায়ক ষ্টিভ স্মিথে নিজ নিজ প্ৰধানমন্ত্ৰীৰ লগত খেলপথাৰলৈ আহি আন খেলুৱৈৰ সৈতে চিনাকি কৰাই দিয়ে।
ভাৰতীয় ক্ৰিকেট নিয়ন্ত্ৰণ ব’ৰ্ডৰ সভাপতি ৰজাৰ বিনিয়ে আলবানীক তেওঁৰ প্ৰতিকৃতি প্ৰদান কৰাৰ বিপৰীতে সম্পাদক জে শ্বাহে ভাৰতৰ প্ৰধানমন্ত্ৰী মোডীক তেওঁৰ প্ৰতিকৃতি প্ৰদান কৰে।