সাপ্তাহিক বজাৰ বন্ধই গ্ৰামাঞ্চলৰ চহা কৃষক ক্ষুদ্ৰ ব্যৱসায়ীৰ জীৱন যাত্ৰালৈ অশনি সংকেত,উদিগ্ন দৰিদ্ৰ কৃষক বনুৱা

ক’ভিড-১৯ৰ দ্বিতীয় লহৰে সমগ্ৰ দেশৰ লগতে অসমৰ কেবাখনো জিলাত সংক্ৰমনে প্ৰভাৱ বিস্তাৰ কৰিছে।ডিব্ৰুগড় জিলাতো ক’ৰনাৰ সংক্ৰমনে ভয়াবহ ৰূপ ধাৰণ কৰি বিপদাপন্ন কৰি তুলিছে।এই ক’ৰনা গণ সংক্ৰমন ৰোধৰ প্ৰতি ডিব্ৰুগড় জিলাৰ প্ৰশাসনে সাপ্তাহিক বজাৰ সমূহ বন্ধৰ নিৰ্দেশ দিয়াৰ পিছত আজি জিলাৰ সাপ্তাহিক বজাৰ সমূহ বন্ধ হৈ পৰে।আনকি ডিব্ৰুগড় চৌকিডিঙ্গী দৈনিক বজাৰ ডিকম বজাৰ,ঘোৰামৰা বজাৰ, লাহোৱাল বজাৰখনো বন্ধ হৈ পৰা পৰিলক্ষিত হয়।ক’ভিড মহামাৰীৰ গণ সংক্ৰমনৰ ৰোধৰ পৰিপ্ৰৰেক্ষিতত সাপ্তাহিক বজাৰ সমূহ বন্ধ দিয়াত আজি গ্ৰামাঞ্চলৰ ক্ষুদ্ৰ ব্যৱসায়ী ‘ গাৱত উৎপাদিত শাক পাচলিকে ধৰি শস্যজাত সামগ্ৰী বিক্ৰী কথমপি পেট প্ৰৱৰ্তন কৰা সকলে জীৱনৰ জীৱিকাৰ পৰা বঞ্চিত হোৱা বুলি এই প্ৰতিবেদকক জানিবলৈ দিয়ে।বিশেষকৈ গাৱঁলীয়া চহা কৃষক ‘বনুৱা ‘আৰু ক্ষুদ্ৰ ব্যৱসায় কৰি দুবেলা দুমুঠি আহাৰ যোগাৰ কৰা দৰিদ্ৰ বহু লোকে সাপ্তাহিক বজাৰ’ ডিব্ৰুগড় দৈনিক চৌকিডিঙ্গী বজাৰ আৰু অভাৰব্ৰীজৰ বজাৰ,ডিকম বজাৰত শাক পাচলি ‘কৃষিজাত সামগ্ৰী ‘হাহঁ কুকুৰা আদি বিক্ৰী কৰি জীৱন নিৰ্বাহ কৰি পেট প্ৰবৰ্টায় আহিছে।কিন্তু সাপ্তাহিক বজাৰ আৰু ডিব্ৰুগড় চৌকিডিঙ্গী আৰু অভাৰব্ৰিজৰ দৈনিক বজাৰ,ডিকম বজাৰ বন্ধৰ ফলত গ্ৰামাঞ্চলৰ পৰা শাক পাচলিকে ধৰি শস্যজাত দ্ৰৱ্য ‘হাহঁকুকুৰা বিক্ৰী কৰি জীৱন আৰু জীৱিকা নিৰ্বাহ কৰা সকলৰ জীৱনকৈ অমানিশা নামি আহিল বুলি বহু ক্ষুদ্ৰ ব্যৱসায়ীয়ে গভীৰ উদ্বেগ প্ৰকাশ কৰিছে আৰু ক’ভিড  বিধি মানি ‘আৰু ক’ভিড প্ৰটকলৰ মাজেৰে সাপ্তাহিক বজাৰ চলিৱ পৰা বিকল্প পদক্ষেপ বাবে অসমৰ নৱ নিৰ্বাচিত মুখ্যমন্ত্ৰী’ আৰু ডিব্ৰুগড় জিলা প্ৰশাসনক আহবান জনাইছে ।