বিপিএফৰ সৈতে বিজেপি দলৰ মিত্ৰতাৰ নৱীকৰণকলৈ কি ক’লে মুখ্যমন্ত্ৰী ড০ হিমন্ত বিশ্ব শৰ্মাই?

মঙলবাৰে অসমৰ মুখ্যমন্ত্ৰী ড০ হিমন্ত বিশ্ব শৰ্মাই বিপিএফ (Bodoland People’s Front)ৰ শীৰ্ষ নেতা সকলে ভাৰতীয় জনতা পাৰ্টি (বিজেপি) নেতৃত্বাধীন মিত্রজোঁট পুনৰ একত্ৰিত হ’ব বিচাৰে বুলি প্ৰকাশ হোৱা বাতৰিটোৰ ওপৰত গুৰুত্ব আৰোপ কৰি মন্তব্য প্ৰকাশ কৰে।
মুখ্যমন্ত্ৰীগৰাকীয়ে কয় যে, বৰ্তমানলৈ তেওঁ এনেধৰণৰ যিকোনো প্ৰস্তাৱৰ বিষয়ে “অৱগত নহয়” যাৰ বাবে বিপিএফৰ সৈতে শাসকীয় দলৰ মিত্ৰতাৰ নৱীকৰণৰ ওপৰত মন্তব্য কৰাটো অপৰিপক্ক হ’ব। ইয়াৰ লগতে তেওঁ কয় “অৱশ্যে, আমি অসমৰ সকলোকে লৈ এখন সবল চৰকাৰ চলাবলৈ চেষ্টা কৰি আছো। আমি আমাক সমৰ্থন কৰা ৰাজনৈতিক দলবোৰক সন্মান কৰিম। অৱশ্যে, ৰাজনৈতিক মিত্ৰতা সম্পূৰ্ণৰূপে আন এটা বিষয় আৰু আমি প্ৰস্তাৱ এটা পোৱাৰ পিছতহে এনে বিষয়বোৰ আলোচনা কৰিব পাৰো।