ক’ভিডৰ সংক্ৰমণক লৈ প্ৰধানমন্ত্ৰী নৰেন্দ্ৰ মোদীয়ে দেওবাৰে প্ৰকাশ কৰে যে, কৰ’না ভাইৰাছ এতিয়ালৈকে শেষ হোৱা নাই, ই পুনৰ উদ্ভৱ হৈছে। কৰ’না ভাইৰাছে মানুহক মহামাৰীৰ বিৰুদ্ধে যুঁজ অব্যাহত ৰাখিবলৈ সতৰ্ক কৰি দিছে। কোনেও নাজানে এই ‘বহুৰূপী’ ক’ভিড-১৯ পুনৰ কেতিয়া উদ্ভৱ হ’ব। লগতে প্ৰধানমন্ত্ৰী মোদীয়ে জনায় যে, কৰ’না ভাইৰাছক নিয়ন্ত্ৰণ কৰিবলৈ প্ৰায় ১৮৫ কোটি ভেকছিনৰ পালি প্ৰদান কৰা হৈছে আৰু ৰাইজৰ সমৰ্থনৰ বাবে ই সম্ভৱপৰ হৈছে। ভিডিঅ’ কনফাৰেন্সৰ জৰিয়তে গুজৰাটৰ জুনাগড় জিলাত মা উমিয়া ধামৰ এক কাৰ্যসূচী সম্বোধন কৰি মোদীয়ে মা উমিয়াৰ ভক্তসকলক ৰাসায়নিক সাৰৰ সংকটৰ পৰা পৃথিৱী মাতৃক বচাবলৈ প্ৰাকৃতিক ভাবে খেতি কৰিবলৈ আহ্বান জনায়।
লগতে প্ৰধানমন্ত্ৰী গৰাকীয়ে কয় যে, কৰ’না মহামাৰীয়ে সমগ্ৰ বিশ্বকে জোকাৰি গৈছিল। আৰু আমি কোৱা নাই যে এই সংকট এতিয়ালৈ শেষ হৈছে। আমি কেতিয়াও নাজানো যে এইটো কেতিয়া পুনৰ দেখা যাব। তেওঁ কয় যে ই এক ‘বহুৰূপী’ ৰোগ৷ ইয়াক প্ৰতিৰোধ কৰিবলৈ প্ৰায় ১৮৫ কোটি পালি প্ৰদান কৰা হৈছে৷ তেওঁ কয় ধৰিত্ৰীক বচাবলৈ গুজৰাটৰ প্ৰতিখন গাঁৱৰ কৃষকে প্ৰাকৃতিক কৃষিৰ বাবে আগবাঢ়ি আহিবলৈ আহ্বান জনায়৷